Sulat sa Sangang Buhatan

Minahal nga mga Magmamantala sa Gingharian:

Ang unang klase sa bag-ong Tunghaan sa mga Ansiyano sa Kongregasyon gisugdan niadtong Pebrero 4, 2008, sa Patterson Educational Center sa Tinipong Bansa.

Panahon sa pagtungha, napahimuslan sa mga nagadumalang magtatan-aw ang makapalig-ong panag-ubanay sa pamilyang Bethel. Nakatambong sab sila sa pagsimba sa pamilyang Bethel matag buntag, ug sa pagtuon sa Bantayanang Torre sa Lunes sa gabii. Makaiikag kaayo ang kataposang adlaw sa pagtungha kay adunay linaing mga pakigpulong sa usa ka membro sa Komite sa Sanga sa Tinipong Bansa ug sa usa ka membro sa Nagamandong Lawas.

Gipasalamatan gayod sa mga ansiyano ang ilang pagtungha. Usa kanila miingon: “Makapadasig kaayo ang usa ka semanang pagpuyo sa Bethel!” Ang lain misulat: “Mas nalig-on ako karon mao nga mas pa nakong tumanon ang akong mga responsabilidad.” Ang kurikulum sa pagkakaron nagkobre sa lainlaing bahin sa mga responsabilidad sa mga nagadumalang magtatan-aw ug kini magpaarang kanila sa pag-atiman sa mga panginahanglan sa kongregasyon sa mas epektibong paagi. (Buh. 20:28) Bisag wala pa kitay tunghaan nga sama niini dinhi sa Pilipinas, malipay gayod kita sa pagkahibalo niining mahigugmaong tagana ni Jehova sa pagbansay sa mga magtatan-aw ug hinaot panalanginan ni Jehova ang umaabot pang mga klase.

Inyong mga igsoon,

Sangang Buhatan sa Pilipinas