Kon Unsay Isulti Bahin sa mga Magasin

Ang Bantayanang Torre Agosto 1

“Sa imong hunahuna unsa kahay gikinahanglan sa mga tawo aron magmalipayon? [Tugoting motubag. Dayon basaha ang Mateo 5:3.] Usa lamang kini sa gipahayag ni Jesus mahitungod sa kalipay. Kining artikuloha naghisgot kon unsay atong makat-onan sa gipamulong ni Jesus bahin sa pagkaplag sa tinuod nga kalipay.” Hisgoti ang hinungdanong mga punto sa artikulo nga nagsugod sa panid 16.

Pagmata! Agosto

“Daghang salida karon ang naghisgot bahin sa mga demonyo, barangan, ug pagpang-ungo. Sa imong hunahuna, tinuod ba ang mga demonyo? [Tugoting motubag. Dayon basaha ang 1 Corinto 10:20.] Gipakita niining artikuloha kon unsay giingon sa Bibliya bahin sa mga demonyo ug kon unsaon nato pagpanalipod ang atong kaugalingon gikan kanila.” Hisgoti ang hinungdanong mga punto sa artikulo nga nagsugod sa panid 20.

Ang Bantayanang Torre Septiyembre 1

Hisgoti ang usa ka makapaikag nga balita sa inyong dapit. Unya moingon: “Wala ka ba makapangutana kon nganong ang mga tawo nagbuhat sa maong daotang mga butang? [Tugoting motubag.] Ang Bibliya naghatag kanatog pasukaranan sa paglaom. [Basaha ang 2 Pedro 3:13.] Gipakita niining magasina kon unsay gisulti sa Bibliya bahin sa mga hinungdan sa kadaotan ug kon sa unsang paagi taposon sa Diyos sa dili madugay ang daotang mga buhat.”

Pagmata! Septiyembre

“Sa imong hunahuna, ang mga cellphone ba, e-mail, chat room, ug uban pang modernong mga paagi sa pagpakigkomunikar sa mga tawo nakatabang sa pagbuntog sa kamingaw o nakapasamot hinuon niini? [Tugoting motubag.] Aniay usa ka sugyot kon unsaon pagbuntog niini. [Basaha ang Buhat 20:35.] Kining magasina naghatag ug dugang praktikal nga tambag gikan sa Bibliya.”