Kon Unsaon Pagtanyag ang mga Magasin

Ang Bantayanang Torre Oktubre 1

“Daghan ang naghunahuna kon may pagtagad ba gayod ang Diyos sa atong mga problema ug kagul-anan. Unsay imong ikaingon niini? [Patubaga. Dayon basaha ang Salmo 34:18.] Ang artikulo sa panid 19 naghisgot kon sa unsang paagi tabangan kita sa Diyos sa pagbuntog sa tumang kaguol, grabeng pagkasad-an, ug sa pagbati nga kita walay pulos.”

Pagmata! Oktubre

“Nagtuo ang uban nga ang Diyos maoy usa lang ka puwersa. Apan para sa uban, siya maoy usa ka persona nga dunay pagbati. Unsay imong opinyon? [Patubaga.] Matikdi kining makaiikag nga teksto. [Basaha ang 1 Pedro 5:6, 7.] Ang artikulo sa panid 29 naghatag ug binase sa Bibliya nga tubag sa pangutanang, Tinuod ba nga persona ang Diyos?”

Ang Bantayanang Torre Nobyembre 1

“Kitang tanan gustong magmakontento. Sa imong hunahuna, kuwarta ba ang gikinahanglan aron kita magmakontento? [Patubaga.] Ang usa ka magsusulat sa Bibliya nagmakontento bisan sa gamay lang niya nga nabatonan. [Basaha ang Filipos 4:11, 12.] Gipakita niining magasina ang lima ka paagi sa pagkahimong kontento nga makaplagan diha sa Bibliya.”

Pagmata! Nobyembre

“Ang mga ateyista moingon nga ang relihiyon maoy nakapasamok sa kalibotan, ug magmalinawon kono ang kalibotan kon walay relihiyon. Unsay imong hunahuna? [Patubaga.] Aniay usa ka rason kon nganong ang bakak nga relihiyon maoy nakaingon sa pag-antos. [Basaha ang 2 Timoteo 4:3, 4.] Gihisgotan niining magasina ang sayop nga mga pangatarongan sa mga tawong dili motuo ug Diyos.”