Kalendaryo sa 2011 Nagpasiugda sa Pamilyahanong Pagsimba
Ang tema sa 2011 Calendar of Jehovah’s Witnesses mao ang Pamilyahanong Pagsimba. Makita sa kalendaryo ang modernong adlaw nga mga pamilya ug ang mga pamilya panahon sa Bibliya. Kini nagpakita usab sa mga magtiayon ug tagsaanong mga alagad ni Jehova nga nagtuon sa iyang Pulong.
Ang mga karakter sa Bibliya nga makita sa kalendaryo nalipay sa balaod ni Jehova, ug hinungdanon kini aron ilang maatubang ang malisod nga mga problema. (Sal. 1:2, 3) Samtang atong tan-awon ang matag hulagway, kita mapahinumdoman sa kahinungdanon sa Pamilyahanong Pagsimba, membro man kita sa usa ka dako o gamayng pamilya, sa Saksi o nabahin nga pamilya. Dunay espasyo diha sa kalendaryo diin diha ninyo isulat kon unsang adlawa ang inyong Pamilyahanong Pagsimba. Inyo na ba kining nasulatan?