Ipasiugda ang Pagsugod ug Bible Study sa Unang Sabado

Sugod sa Mayo 2011, gidasig ang mga magmamantala nga sulayan nila pagsugod ug mga Bible study sa unang Sabado sa kada bulan. Agig pagtabang, may regular nga artikulo sa publikong edisyon sa Bantayanang Torre nga nag-ulohang “Tubag sa mga Pangutana Bahin sa Bibliya.” Busa, ang tigom alang sa pagsangyaw nga himoon sa unang Sabado angayng magpasiugda kon unsaon paggamit kining artikuloha aron makasugod ug mga Bible study ug ipasundayag kon unsaon paghimo kini.

Ang mga ansiyano makapili kon ang matag grupo ba sa pagsangyaw iyaiya nga magtagbo sa unang Sabado o kaha usahon ang tanang grupo ug magtagbo tingali diha sa Kingdom Hall. Pero, kon daghang kongregasyon ang naggamit sa Kingdom Hall, dili angayng ibalhin sa usa ka kongregasyon sa laing adlaw kining espesyal nga adlaw sa pagsugod ug Bible study aron lang mausa ang tanang grupo alang sa pagsangyaw.