Kon Unsaon Pagsangyaw Gamit ang Displeyhanag Literatura

Ang pagsangyaw gamit ang cart o lamesa nga displeyhanag literatura maoy epektibo kaayong paagi aron matabangan ang mga tawo nga mahibalo sa kamatuoran. (Juan 6:44) Busa, ang mga ansiyano gidasig nga mag-organisar ug publikong pagsangyaw diha sa teritoryo sa kongregasyon diin daghag tawo. Kay dili man magpondo sa usa ka lugar ang displeyhanag literatura, kasagaran dili na kinahanglang mananghid sa mga awtoridad. Kinsay kuwalipikadong makigbahin niini? Kadtong magmamantala nga maayog panghukom, desente, ug maayong makig-estorya. Unsay angay ug dili angayng himoon dihang magsangyaw niining paagiha?

Himoa:

Magmahigalaon, magmaabiabihon, ug magmatinabangon. Ang ubang magmamantala mopahiyom ug motimbaya sa mga lumalabay. Kon dunay motan-aw sa displey, puwede kang moingon, “Kuha lang.”
Barog sa igoigong gilay-on. Sa ubang lugar, namatikdan sa mga magmamantala nga maayo ang resulta kon mobarog sila duol sa displey. Pero namatikdan sab sa uban nga ang mga tawo magduhaduhag duol kon mobarog sila sa duol, maong modistansiya silag gamay sa displey. Kon may moduol, paningkamoti nga maestorya siya, tingali pinaagi sa pagpangutana, “Nakahunahuna na pod ba ka ana nga pangutana?”
Gamita ang Bibliya kutob sa mahimo.
Ipatin-aw ang kahikayan sa pag-Bible study kon may mokuha ug publikasyong gigamit sa pag-study, sama sa librong Gitudlo sa Bibliya. I-play ang video nga Nganong Tun-an ang Bibliya?
Kon dunay interesado, pangayog impormasyon kon unsaon siya pagkontak. Kon dili sakop sa inyong teritoryo ang iyang gipuy-an, pil-api ang Please Follow Up (S-43) form, ug ihatag dayon sa sekretaryo.