Pagpauswag sa Atong Kahanas sa Ministeryo​—Pagtabang sa mga Bible Study Aron Magpadedikar ug Magpabawtismo

KON NGANONG HINUNGDANON: Aron mabatonan ang pag-uyon ni Jehova, ang mga Bible study kinahanglang magpadedikar ug magpabawtismo. (1Pe 3:21) Kadtong magkinabuhi uyon sa ilang dedikasyon mapanalipdan sa espirituwal. (Sal 91:1, 2) Ang Kristohanon magpadedikar kang Jehova—dili sa tawo, buluhaton, o sa organisasyon. Busa, kinahanglang mabatonan sa estudyante ang gugma ug apresasyon sa Diyos.—Rom 14:7, 8.

KON UNSAON PAGHIMO:

• Hisgoti kon unsay gipadayag bahin kang Jehova sa impormasyong inyong gitun-an. Dasiga siya nga magbasag Bibliya kada adlaw ug regular nga mag-ampo kang Jehova.—1Te 5:17; San 4:8

• Dasiga ang imong estudyante nga himoong tumong ang dedikasyon ug bawtismo. Tabangi usab siya sa paghimog ginagmayng tumong, sama sa pagkomento sa tigom o pagsulti sa iyang nakat-onan ngadto sa iyang silingan o katrabaho. Hinumdomi nga si Jehova wala mamugos ni bisan kinsa sa pag-alagad kaniya. Personal nga desisyon ang dedikasyon.—Deu 30:19, 20

• Dasiga ang imong estudyante sa paghimog kausaban aron mapahimut-an si Jehova ug mokuwalipikar sa bawtismo. (Pr 27:11) Kay lisod bag-ohon ang ubang kinaiya ug batasan, kinahanglan tingaling tabangan ang estudyante aron mahukas ang daang pagkatawo ug masul-ob ang bag-o. (Efe 4:22-24) Asoyi o pabasaha siyag mga artikulo sa serye sa Bantayanang Torre nga “Ang Bibliya Makabag-o sa Kinabuhi”

• Asoyi siya sa imong makapalipayng mga kasinatian sa pag-alagad kang Jehova.—Isa 48:17, 18