BAHANDI GIKAN SA PULONG SA DIYOS | ISAIAS 52-57
Si Kristo Nag-antos Alang Kanato
“Siya gitamay ug gilikayan sa mga tawo, . . . kita nag-isip kaniya ingong hinampak, binunalan sa Diyos ug sinakit”
Si Jesus gitamay ug giakusar nga nagpasipala sa Diyos. Ang uban nagtuo nga gisilotan siya sa Diyos, nga morag gihatagan siyag makaluod nga sakit
“Si Jehova may kahimuot sa pagdugmok kaniya; . . . ug diha sa iyang kamot molampos ang gikahimut-an ni Jehova”
Walay duhaduha nga naguol si Jehova dihang nagtan-aw sa iyang Anak nga gipatay. Apan siya nahimuot nga nagpabiling matinumanon si Jesus. Ang kamatayon ni Jesus nakahatag ug pamatuod nga bakak ang akusasyon ni Satanas bahin sa pagkamaunongon sa mga alagad sa Diyos ug nakahatag ug mga kaayohan sa mga tawong mahinulsolon. Busa, pinaagi niini natuman ang kabubut-on ni Jehova