Bisag ang Paskuwa wala maglandong sa Memoryal, dunay mga bahin niini nga makahuloganon alang kanato. Pananglitan, gitawag ni apostol Pablo si Jesus ingong “atong inihaw sa paskuwa.” (1Co 5:7) Ingon nga ang dugo sa nating karnero diha sa poste sa mga pultahan nagluwas ug mga kinabuhi, ang dugo ni Jesus nagluwas sab ug mga kinabuhi. (Ex 12:12, 13) Dugang pa, walay bisan usa ka bukog sa karnero sa Paskuwa ang gibalî. Sa samang paagi, bisag naandan kaniadto nga balion ang bukog sa usa nga gisilotag kamatayon, walay bisan usa ka bukog ni Jesus ang gibalî.—Ex 12:46; Ju 19:31-33, 36.