BAHANDI GIKAN SA PULONG SA DIYOS | BUHAT 1-3

Ang Balaang Espiritu Gibubo Diha sa Kristohanong Kongregasyon

Mga tawo nga lainlaig rasa sa Jerusalem niadtong Pentekostes 33 C.E.

2:1-8, 14, 37, 38, 41-47

Daghang Hudiyo nga tua sa Jerusalem niadtong Pentekostes 33 C.E. naggikan sa lainlaing nasod. (Buh 2:9-11) Bisag nagtuman sa Moisesnong Balaod, sila lagmit nagpuyo sa ubang nasod sa tibuok nilang kinabuhi. (Jer 44:1) Busa ang hitsura ug sinultihan sa uban tingali dili na parehas sa mga Hudiyo, kondili sama na sa mga lumad sa ilang nasod. Dihang nabawtismohan ang 3,000 kanila, kalit nga midaghan sa Kristohanong kongregasyon ang lainlaig rasa. Bisag lainlaig kagikan, “sila kanunayng atua sa templo nga nagkauyon.”—Buh 2:46.

Unsaon nimo pagpakitag tinuod nga interes sa . . .

mga tawo sa inyong teritoryo nga gikan sa laing lugar?
mga igsoon sa inyong kongregasyon nga gikan sa laing lugar?