KRISTOHANONG PAGKINABUHI
Dayega si Jehova Ingong Payunir
Ang mga Israelinhon dunay dakong rason sa pagdayeg kang Jehova. Gipagawas niya sila sa Ehipto ug giluwas sila gikan sa kasundalohan sa Paraon! (Ex 15:1, 2) Si Jehova padayong nagpakitag kaayo sa iyang katawhan. Unsaon nato pagpakita nga mapasalamaton ta?—Sal 116:12.
Ang usa ka paagi mao ang pag-alagad ingong oksilyare o regular payunir. Iampo kang Jehova nga hatagan kag tinguha ug kusog sa pag-alagad ingong payunir. (Flp 2:13) Daghan ang nagsugod ingong oksilyare payunir. Puwede kang mokuhag 30 o 50 ka oras sa Marso ug Abril ug sa bulan sa duaw sa tigdumala sa sirkito. Human masinati ang kalipay sa pag-alagad ingong oksilyare payunir, basin gusto nimong magregular payunir. Bisan kadtong full-time nga nagtrabaho o may problema sa panglawas nakahimo sa pagregular payunir. (mwb16.07 8) Seguradong takos gyod si Jehova sa bisan unsang sakripisyo nga atong gihimo aron dayegon siya!—1Cr 16:25.
TAN-AWA ANG VIDEO NGA TULO KA MAGSOONG BABAYE SA MONGOLIA, DAYON TUBAGA ANG MOSUNOD NGA MGA PANGUTANA:
Unsang mga hagit ang giatubang sa tulo ka magsoong babaye, ug unsay ilang gihimo aron makapayunir?
Unsang mga panalangin ang ilang nadawat?
Unsang mga kahigayonan sa pag-alagad ang nabuksan tungod sa ilang pagregular payunir?
Unsay epekto sa ilang ehemplo ngadto sa uban?