Likayi ang Pagpasag Bakak nga Estorya

Paspas kaayong mapasa karon ang impormasyon sa inimprenta nga paagi, radyo, telebisyon, ug sa Internet. Kadtong nagsimba sa “Diyos sa kamatuoran” dili gyod gustong mopasa ug bakak nga impormasyon, bisag wala tuyoa. (Sal 31:5; Ex 23:1) Ang bakak nga estorya nga mapasa ngadto sa uban posibleng moresultag dakong kadaot. Dihang seguroon kon tinuod ba ang usa ka impormasyon, pangutan-a ang kaugalingon:

• ‘Kasaligan ba ang tinubdan sa impormasyon?’ Ang nagpasa sa estorya lagmit wala mahibalo sa tanang detalye. Ang mga estorya nga gipasapasa posibleng mausab, busa pag-amping kon wala ka mahibalo kon asa gikan ang impormasyon. Ang mga brader nga dunay pribilehiyo sa kongregasyon giisip nga kasaligang tinubdan sa impormasyon, busa angay silang mag-amping dihang magpasag impormasyon ilabina kon dili kini kompirmado

• ‘Makadaot ba nig reputasyon?’ Kon makadaot ni sa dungog sa usa ka tawo o grupo, mas maayong dili kini ipasa.​—Pr 18:8; Flp 4:8

• ‘Katuohan ba ni?’ Pag-amping sa hinobrang mga estorya ug eksperyensiya

TAN-AWA ANG VIDEO NGA UNSAY AKONG HIMOON ARON MAUNDANG ANG TSISMIS? DAYON TUBAGA ANG MOSUNOD NGA MGA PANGUTANA:

• 

  Sumala sa Proverbio 12:18, unsang kadaot ang mahimo sa mga pulong?

• 

  Sa unsang paagi ang Filipos 2:4 makatabang nato dihang maghisgot bahin sa ubang tawo?

• 

  Unsay angay natong buhaton kon ang atong kaestorya nanaway o nanglibak sa uban?

• 

  Sa dili pa maghisgot bahin sa ubang tawo, unsay angay natong ipangutana sa kaugalingon?