Ihatag Kang Jehova ang Imong Maarangan

5:5-7, 11

Ang kapobrehon dili makababag sa mga Israelinhon sa pagbaton ug maayong relasyon kang Jehova. Bisan ang pobre kaayong mga Israelinhon makatanyag ug dalawatong halad, basta ihatag nila ang ilang maarangan. Makatanyag silag harina, pero gidahom ni Jehova nga kini ‘pino,’ nga gigamit para sa espesyal nga mga bisita. (Gen 18:6) Karon, dawaton ni Jehova ang kinamaayohang “bunga sa atong mga ngabil,” bisag limitado ra ang atong mahatag tungod sa atong kahimtang.​—Heb 13:15.

Sa unsang paagi makadasig kini kanimo kon dili na nimo mahimo ang naandang mga buluhaton, tingali tungod sa imong panglawas?