MAGMAEPEKTIBO SA MINISTERYO | PAUSWAGA ANG IMONG KALIPAY SA MINISTERYO
Ipakita ang Empatiya
Ang empatiya mao ang katakos sa pagsabot sa panghunahuna, pagbati, prinsipyo, ug panginahanglan sa uban. Kini dali rang mamatikdan sa uban, ug mapakita nato ni kon duna tay kinasingkasing nga tinguha nga motabang. Sa dihang magpakita tag empatiya sa ministeryo, atong gisundog ang gugma ug pagkamahunahunaon ni Jehova, ug kini makapadani sa mga tawo ngadto kaniya.—Flp 2:4.
Ang pagpakitag empatiya dili lang usa ka paagi sa pagpanudlo. Kini makita diha sa atong paagi sa pagpaminaw ug pagsulti. Makita sab ni diha sa atong paggawi, kompas, ug ekspresyon sa nawong. Ikapasundayag nato ang empatiya pinaagi sa pagpakitag tinuod nga interes sa usa ka tawo. Atong konsiderahon kon unsay iyang gusto, gituohan, ug kahimtang. Motanyag tag praktikal nga impormasyon ug tabang, pero dili nato siya pugson nga magbag-o. Sa dihang ang atong gisangyawan modawat sa atong tabang, mouswag ang atong kalipay sa ministeryo.
TAN-AWA ANG VIDEO NGA BATIA ANG KALIPAY SA PAGHIMOG TINUN-AN—PAUSWAGA ANG IMONG MGA KAHANAS—IPAKITA ANG EMPATIYA, UG DAYON TUBAGA ANG MOSUNOD NGA MGA PANGUTANA:
Sa unsang paagi nagpakitag empatiya si Neeta dihang naulahig abot si Jade?
Sa unsang paagi nagpakitag empatiya si Neeta dihang miingon si Jade nga wala siya sa kondisyon nga mag-study kay na-stress kaayo siya?
Ang mga tawo madani ngadto kang Jehova sa dihang magpakita tag empatiya
Sa unsang paagi nagpakitag empatiya si Neeta dihang miingon si Jade nga dili niya kinaiya ang pagkaorganisado?