Matapos ra ang Tanang Pagsulay

Makapaluya ang mga pagsulay, ilabina kon magdugay kini. Nahibalo si David nga matapos ra ang pagsulay nga iyang giatubang kang Haring Saul ug mahimo siyang hari, sumala sa gisaad ni Jehova. (1Sa 16:13) Ang pagtuo ni David nakatabang niya nga magpailob ug maghulat kang Jehova.

Dihang mag-atubang ug pagsulay, magamit nato ang kaalam, kahibalo, o katakos sa panghunahuna aron mausab ang atong situwasyon. (1Sa 21:12-14; Pr 1:4) Pero, ang ubang kalisdanan magpabilin gihapon bisan pag gisunod na nato ang mga prinsipyo sa Bibliya. Niana nga mga kahimtang, kinahanglan tang magpailob ug maghulat kang Jehova. Hapit na niyang taposon ang tanang pag-antos ug “pahiran ang matag luha” sa atong mga mata. (Pin 21:4) Masulbad man ang atong problema tungod sa gihimo ni Jehova o sa ubang rason, kini ang segurado: Ang tanang pagsulay matapos ra. Kini nga kamatuoran makahupay nato.

TAN-AWA ANG VIDEO NGA USA KA NAHIUSANG KATAWHAN SA NAGKABAHINBAHIN NGA KALIBOTAN, DAYON TUBAGA ANG MOSUNOD NGA MGA PANGUTANA:

• Unsang mga pagsulay ang naeksperyensiyahan sa mga igsoon sa habagatang United States?

• Giunsa nila pagpakitag pailob ug gugma?

• Unsay nakatabang nila nga padayong magpokus sa “mas importanteng mga butang”?—Flp 1:10