Kontrolaha ang Imong mga Tinguha

Kay dili hingpit, kinahanglang maningkamot ta kanunay sa pagkontrol sa atong mga tinguha. Kon magpatuyang ta sa atong gusto, basin mawala ang pag-uyon ni Jehova nato. Pananglitan, gitugotan sa uban nga molabaw ang ilang tinguha sa pagkaon, sinina, ug puy-anan kay sa ilang gugma sa Diyos. Nagpatuyang sab ang uban sa ilang seksuwal nga tinguha ug gibalewala ang mga sukdanan sa Diyos. (Rom 1:26, 27) Naa poy mga nagpadala sa presyur aron ganahan ang mga tawo nila o dawaton sila.​—Ex 23:2.

Unsaon nato pagkontrol sa atong mga tinguha? Kinahanglang magpokus ta kanunay sa espirituwal nga mga butang. (Mat 4:4) Dugang pa, mangayo tag tabang kang Jehova. Ngano? Kay nahibalo siya kon unsay pinakamaayo para nato ug kon unsaon pagtagbaw ang atong hustong mga tinguha.​—Sal 145:16.

TAN-AWA ANG VIDEO NGA AYAWG TUGOTI NGA MADAOT ANG IMONG KINABUHI TUNGOD SA SIGARILYO, DAYON TUBAGA ANG MOSUNOD NGA MGA PANGUTANA:

• 

  Nganong manigarilyo ang uban?

• 

  Unsay mahitabo kon manigarilyo ka?

• 

  Nganong sayop ang pagpanigarilyo ug pag-vape?​—2Co 7:1

• 

  Unsaon nimo pagbalibad kon hagaron kang manigarilyo o unsaon nimo paghunong niana nga bisyo?