Espesyal nga Kampanya sa Septiyembre sa Pagpaila sa Gingharian sa Diyos!

Sa Septiyembre, dunay espesyal nga kahikayan sa pagpaila sa Gingharian sa Diyos ingong bugtong solusyon sa mga problema sa mga tawo. (Mat 24:14) Sa unsang paagi ka makapakigbahin? Paningkamoti nga niining bulana makapaambit kag teksto bahin sa Gingharian sa Diyos ngadto sa mas daghang tawo. Kon naa kay makaplagang interesado, tanyagi siyag kopya sa publikong edisyon sa Ang Bantayanang Torre Num. 2 2020. Baliki dayon ang interesado, ug paningkamoti nga makasugod ug pagtuon sa Bibliya gamit ang brosyur nga Mabuhi Ka Hangtod sa Hangtod! Ang tanang oksilyare payunir sa Septiyembre makapili kon 15 o 30 ka oras ang ilang kab-oton.

Hapit nang dugmokon sa Gingharian sa Diyos ang tanang gobyerno nga supak niini. (Dan 2:44; 1Co 15:24, 25) Hinaot nga pahimuslan nato pag-ayo kining espesyal nga kahigayonan aron ipakita nga dapig ta kang Jehova ug sa iyang Gingharian!