Gamita ang mga Marginal Reference

Ang mga marginal reference sa Bag-ong Kalibotang Hubad sa Balaang Kasulatan nagpamatuod nga wala magkasumpaki ang Bibliya. Sa unsang paagi? Makita diha sa mga marginal reference ang mga teksto nga naghatag ug dugang detalye bahin sa usa ka teksto. Ang mga marginal reference gipaila pinaagig gagmayng letra nga makita tapad sa usa ka pulong. Sa inimprenta nga Bibliya, kon unsa nga letra ang tapad sa usa ka pulong, mao pod na nga letra ang imong pangitaon sa tunga nga kolum aron makita nimo ang konektado nga mga teksto. Sa jw.org o sa JW Library^® app, i-tap ang symbol o letra tapad sa pulong aron makita nimo ang konektado nga mga teksto.

Makita diha sa mga marginal reference ang mga detalye sama sa mosunod:

Kon unsay giingon sa ubang mga rekord: Ipakita niini ang uban pang teksto bahin sa mao ra nga panghitabo nga narekord sa laing basahon sa Bibliya. Pananglitan, tan-awa ang 2 Samuel 24:1 ug 1 Cronicas 21:1.

Kon asa gikan ang usa ka ekspresyon: Ipakita niini kon asa gikuha ang mga pulong o ekspresyon. Pananglitan, tan-awa ang Mateo 4:4 ug Deuteronomio 8:3.

Kon sa unsang paagi natuman ang tagna: Makita dinhi ang teksto diin nasulat ang tagna o ang teksto diin nasulat ang katumanan sa tagna. Pananglitan, tan-awa ang Mateo 21:5 ug Zacarias 9:9.