Kon Unsay Makatabang Aron Imong Mabasa ang Bibliya Kada Adlaw

Tungod sa kadaghan sa imong ginahimo, malisdan ba ka sa pagsunod sa imong eskedyul sa pagbasa sa Bibliya kada adlaw? (Jos. 1:8) Kon mao, sulayi ang usa sa mosunod nga mga sugyot:

• Pag-set ug alarm. Pagbutang ug alarm diha sa imong gadget aron mapahinumdoman ka nga basahon ang Bibliya.

• Ibutang ang imong Bibliya sa lugar nga daling makita. Kon naggamit kag inimprenta nga Bibliya, ibutang ni sa lugar nga dali ra nimong makita kada adlaw.—Deut. 11:18.

• Paminaw sa mga audio recording. Paminawi ni samtang maghimo ka sa imong adlaw-adlawng buluhaton. Si Tara, usa ka payunir ug inahan nga panggabii ug trabaho, miingon, “Ang pagpaminaw ug audio recording sa Bibliya samtang maghimo ko sa mga buluhaton sa balay nakatabang nako nga masunod ang akong eskedyul sa pagbasa sa Bibliya.”

• Paningkamoti nga makabasa gyod ka kada adlaw. Kon naay makabalda sa imong eskedyul, paningkamoti nga makabasa gihapon kag pipila ka bersikulo sa dili pa matulog. Bisag mubo lang ang imong gibasa, makahatag gihapon na nimog kaayohan.—1 Ped. 2:2.