Ang Gubat sa Ukraine Usa na ka Tuig—Unsang Paglaom ang Gihatag sa Bibliya?

Sa Biyernes, Pebrero 24, 2023, usa na ka tuig sukad nagsugod ang makapaguol nga gubat sa Ukraine. Sumala sa mga report, mga 300,000 ka Ukrainian ug Russian nga sundalo ang namatay o nasamdan ug mga 30,000 ka sibilyan ang gituohang namatay sa gubat. Pero lagmit mas labaw pa ani ang gidaghanon.

Makapaguol nga wala pay ilhanan nga hapit nang matapos ang gubat.

• “Human sa halos usa ka tuig sukad nga misulong sa Ukraine ang kasundalohan sa Russia, walay klarong ilhanan nga hapit nang matapos ang gubat. Dili pa klaro kon kinsay modaog sa gubat, ug morag imposible pa nga ang duha ka nasod makakitag solusyon nga kauyonan nila.”—NPR (National Public Radio), Pebrero 19, 2023.

Daghan ang naguol pag-ayo sa kasakit ug pag-antos nga gipahinabo niini nga gubat ug sa uban pang gubat ngadto sa inosenteng mga tawo sa tibuok kalibotan. Unsang paglaom ang gihatag sa Bibliya? Matapos pa ba ang mga gubat?

Ang gubat nga magtapos sa tanang gubat

Ang Bibliya naghisgot ug gubat nga magluwas sa katawhan imbes maglaglag. Kini nga gubat gitawag ug Armagedon, ug kini gihisgotan ingong “gubat sa dakong adlaw sa Diyos nga Labing Gamhanan.” (Pinadayag 16:14, 16) Pinaagi niana nga gubat, taposon sa Diyos ang pagmando sa tawo, nga nakapahinabog daghan kaayong gubat. Aron makat-onan kon sa unsang paagi ang Armagedon magdalag kalinaw hangtod sa hangtod, basaha ang mosunod nga mga artikulo:

• “Unsa ang Gubat sa Armagedon?”

• “Armagedon—Maayo Kini nga Balita!”