Si Jesus ba Usa Lang ka Maayong Tawo?

Tubag sa Bibliya

Si Jesus dili kay usa lang ka maayong tawo. Siya gayod ang labing impluwensiyadong tawo sa kasaysayan. Matikdi kon unsay gikasulti sa mga historyano ug mga magsusulat bahin kaniya:

“Si Jesus nga taga-Nasaret . . . mao gayod ang labing bantogang tawo sa kasaysayan.”—H. G. Wells, historyano sa England.

“[Si Jesus] mao ang labing impluwensiyado nga tawo nga nabuhi niini nga planeta ug nagkadako pa ang iyang impluwensiya.”—Kenneth Scott Latourette, historyano ug awtor sa America.

Gipakita sa Bibliya kon nganong mas dakog impluwensiya si Jesus kay kang bisan kinsang maayong tawo nga nabuhi sukad. Dihang gipangutana ni Jesus ang labing suod niyang mga sumusunod kon kinsa siya, usa kanila ang tukmang mitubag: “Ikaw mao ang Kristo, ang Anak sa Diyos nga buhi.”—Mateo 16:16.