Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • ijwbq artikulo 78
  • Duna bay Diyos?

Walay video nga available.

Sorry, dunay problema sa pag-load sa video

  • Duna bay Diyos?
  • Tubag sa mga Pangutana Bahin sa Bibliya
  • Sub-ulohan
  • Susamang Materyal
  • Tubag sa Bibliya
  • Aduna bay Diyos? Importante ba Gyod nga Dunay Diyos?
    Pagmata!—2015
  • Talagsaong Tinubdan sa Labawng Kinaadman
    Unsa ang Katuyoan sa Kinabuhi? Sa Unsang Paagi Makaplagan Nimo Kini?
  • Wala Ko Malipay sa Akong Kinabuhi—Makatabang ba ang Relihiyon, Diyos, o ang Bibliya?
    Tubag sa mga Pangutana Bahin sa Bibliya
  • Ang Maglalalang Makahimo sa Imong Kinabuhi nga mas Makahuloganon
    Ang Bantayanang Torre Nagapahayag sa Gingharian ni Jehova—1999
Uban Pa
Tubag sa mga Pangutana Bahin sa Bibliya
ijwbq artikulo 78
Kahayag sa adlaw nga milapos sa panganod

Duna bay Diyos?

Tubag sa Bibliya

Oo, ang Bibliya naghatag ug lig-ong ebidensiya nga dunay Diyos. Kita gidasig nga magbaton ug pagtuo sa Diyos, dili pinaagi sa pagtuo dayon sa gitudlo sa mga relihiyon, kondili sa paggamit sa atong “gahom sa pagpangatarongan” ug “katakos sa pagsabot.” (Roma 12:1; 1 Juan 5:20) Matikdi ang mosunod nga mga pangatarongan nga binase sa Bibliya:

  • Ang paglungtad niining organisado ug hapsay nga uniberso nga may kinabuhi nagpamatuod nga dunay Maglalalang. Ang Bibliya nag-ingon: “Dayag, ang matag balay adunay nagtukod, apan siya nga nagtukod sa tanang butang mao ang Diyos.” (Hebreohanon 3:4) Bisag simple lang kini nga pangatarongan, daghang edukadong tawo ang mouyon nga makapakombinsir kini.a

  • Ingong mga tawo, normal lang nga gusto natong mahibalo sa kahulogan ug katuyoan sa kinabuhi. Usa kini ka matang sa kauhaw nga dili matagbaw bisag natagan-an na ang atong pisikal nga panginahanglan. Apil kini sa gitawag sa Bibliya nga atong “espirituwal nga panginahanglan,” nga naglakip sa tinguha nga mailhan ug simbahon ang Diyos. (Mateo 5:3; Pinadayag 4:11) Kining espirituwal nga panginahanglan dili lang nagpamatuod nga dunay Diyos kondili nagpakita usab nga siya maoy mahigugmaong Maglalalang ug gusto niyang tagbawon nato ang maong panginahanglan.—Mateo 4:4.

  • Eksaktong natuman ang detalyadong mga tagna sa Bibliya nga gisulat ginatos ka tuig nga abante. Ang katukma ug mga detalye niini nga mga tagna lig-ong nagpamatuod nga kini dili gikan sa tawo kondili sa usa ka gamhanang tinubdan.—2 Pedro 1:21.

  • Planetang Yuta nga makita gikan sa kawanangan

    Ang mga magsusulat sa Bibliya dunay kahibalo sa siyensiya nga wala pa mahibaloi sa mga tawo sa ilang panahon. Pananglitan, daghan kaniadto nagtuo nga ang atong planeta gipatong sa usa ka hayop, sama sa elepante, baboyng ihalas, o baka. Apan ang Bibliya nag-ingon nga ‘gibitay [sa Diyos] ang yuta sa wala.’ (Job 26:7) Husto sab ang pagkahubit sa Bibliya nga ‘lingin’ ang porma sa yuta. (Isaias 40:22) Para sa daghan, ang labing makataronganong rason kon nganong nahibalo niana ang mga magsusulat sa Bibliya mao nga kay Diyos ang naghatag nilag impormasyon.

  • Ang Bibliya makatubag sa daghang lisod nga pangutana—mga pangutana nga kon dili matubag, ang usa posibleng mahimong ateyista. Pananglitan: Kon mahigugmaon ug gamhanan kaayo ang Diyos, nganong ang kalibotan punog pag-antos ug pagkadaotan? Nganong ang relihiyon sagad daotan ug impluwensiya imbes maayo?—Tito 1:16.

a Pananglitan, ang astronomong si Allan Sandage miingon: “Imposible kaayo nga ang pagkaorganisado ug kahapsay [sa uniberso] naggikan sa kagubot. Duna gyoy tinubdan niini. Para nako, ang Diyos usa ka misteryo. Pero siya ang katin-awan sa milagro sa paglungtad, kon nganong naglungtad ang mga butang.”

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa