Sala ba ang Pagpanugal?

Tubag sa Bibliya

Bisan pag wala hisgoti nga detalyado sa Bibliya ang pagpanugal, pero atong masabtan base sa mga prinsipyo sa Bibliya nga giisip sa Diyos nga sala ang pagpanugal.—Efeso 5:17.a

• Ang pagpanugal maoy bunga sa kahakog, nga gidumtan sa Diyos. (1 Corinto 6:9, 10; Efeso 5:3, 5) Ang mga sugarol naglaom nga makakuwarta pinaagi sa kapildihan sa uban, pero ang Bibliya nagdili sa pagkaibog sa nabatonan sa uban.—Exodo 20:17; Roma 7:7; 13:9, 10.

• Ang pagpanugal, bisag ginagmayng kantidad, makapukaw sa makadaot nga gugma sa kuwarta.—1 Timoteo 6:9, 10.

• Ang mga sugarol nagtuog patuotuo o suwerte. Apan, kana giisip sa Diyos ingong idolatriya o pagsimbag diyosdiyos nga supak sa pagsimba kaniya.—Isaias 65:11.

• Imbes modawat lang ug limpiyo, ang Bibliya nag-awhag kanato sa paghago. (Ecclesiastes 2:24; Efeso 4:28) Kadtong nagsunod sa tambag sa Bibliya “magakaon sa pagkaon nga ilang gihagoan.”—2 Tesalonica 3:10, 12.

• Ang pagsugal makahaling ug tinamdan sa pagkompetensiyahay, nga wala uyoni sa Bibliya.—Galacia 5:26.