Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • ijwbq artikulo 128
  • Purgatoryo—Mabasa ba sa Bibliya?

Walay video nga available.

Sorry, dunay problema sa pag-load sa video

  • Purgatoryo—Mabasa ba sa Bibliya?
  • Tubag sa mga Pangutana Bahin sa Bibliya
  • Sub-ulohan
  • Susamang Materyal
  • Tubag sa Bibliya
  • Purgatoryo
    Nangatarongan Pinasukad sa Kasulatan
  • Ang Kamatuoran Bahin sa Impiyerno
    Ang Bantayanang Torre Nagapahayag sa Gingharian ni Jehova—1989
  • Makatuo Ka ba sa Bibliya?
    Ang Bantayanang Torre Nagapahayag sa Gingharian ni Jehova—1998
  • Kamatayon
    Pagmata!—2014
Uban Pa
Tubag sa mga Pangutana Bahin sa Bibliya
ijwbq artikulo 128
Interpretasyon sa usa ka pintor sa purgatoryo

Purgatoryo​—Mabasa ba sa Bibliya?

Tubag sa Bibliya

Dili. Walay mabasa nga pulong “purgatoryo” sa Bibliya. Wala pod magtudlo ang Bibliya nga ang kalag sa mga namatay hinloan sa purgatoryo.a Konsideraha ang gitudlo sa Bibliya bahin sa sala ug kamatayon ug kon sa unsang paagi lahi kini sa doktrina sa purgatoryo.

  • Ang pagtuo sa giulang dugo ni Jesus, dili sa purgatoryo, maghinlo sa usa gikan sa sala. Ang Bibliya nag-ingon nga “ang dugo ni Jesus, nga . . . anak [sa Diyos], naghinlo kanato gikan sa tanang sala” ug nga si “Jesu-Cristo . . . nagpagawas kanato gikan sa atong mga sala pinaagi sa iyang dugo.” (1 Juan 1:7; Pinadayag 1:5, Ang Biblia, New Cebuano Version) Si Jesus naghatag sa “iyang kinabuhi ingon nga lukat alang sa daghan” aron mabayran ang ilang mga sala.​—Mateo 20:28, NCV.

  • Ang mga patay wala nay nahibaloan. “Kay ang mga buhi nahibalo nga sila mamatay, apan ang patay walay nahibaloan.” (Ecclesiastes 9:5, NCV) Ang patay dili na mobatig bisan unsa. Busa dili na siya mahinloan sa bisan unsang kalayo sa purgatoryo.

  • Human sa kamatayon, wala nay silot para sa sala. Ang Bibliya nag-ingon nga “ang bayad sa sala kamatayon” ug “ang tanan nga namatay na gipagawas na gikan sa sala.” (Roma 6:7, 23, NCV) Ang kamatayon mao ang bug-os ug kataposang silot sa sala.

Unsa ang doktrina sa purgatoryo?

Sumala sa doktrina sa Katoliko, ang purgatoryo maoy usa ka kahimtang, lugar, o kondisyon diin ang kalag sa namatay magbayad sa ilang wala pa mapasaylong mga sala ug kini mahinloan.b Sumala sa Catechism of the Catholic Church, kini nga paghinlo gikinahanglan “aron mahimong balaan ug makasulod sa malipayong langit.” Ang Catechism midugang nga “ang tradisyon sa Simbahan . . . naghisgot bahin sa panghinlo nga kalayo,” sumala sa makita nga letrato niining artikuloha. Pero, kini nga doktrina wala sa Bibliya.

Asa gikan ang doktrina sa purgatoryo?

Ang karaang Grego nagtuo sa Limbo ug purgatoryo. Kay naimpluwensiyahan sa Gregong pilosopiya, si Clement sa Alexandria nag-ingon nga ang patay mahinloan sa sala pinaagi sa panghinlo nga kalayo. Pero, si Pope Gregory the Great ang nagpasiugda nga dili kaduhaduhaan ang pagtulon-an sa purgatoryo, sumala sa The History of Christian Doctrines. Kini nga reperensiya midugang nga si Gregory, ang pope sukad 590 hangtod 604 C.E., “sagad nailhang ‘imbentor sa purgatoryo.’” Giklaro sa Simbahan sa Katoliko ang ilang opisyal nga pagtulon-an bahin sa purgatoryo didto sa konsilyo (council) sa Lyons (1274) ug Florence (1439), ug mas gipatin-aw pa kini sa Konsilyo sa Trent niadtong 1547.

a Kon bahin sa purgatoryo, ang librong Orpheus: A General History of Religions nag-ingon nga “wala gyod ni hisgoti sa Ebanghelyo.” Sa susama, ang New Catholic Encyclopedia nag-ingon: “Sa ato pa, ang doktrina bahin sa purgatoryo sa Katoliko gibase sa tradisyon, dili sa Balaang Kasulatan.”​—Second Edition, Tomo 11, panid 825.

b Tan-awa ang New Catholic Encyclopedia, Second Edition, Tomo 11, panid 824.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa