Footnote

b Dili si Barbour ni si Russell ang unang nagpatin-aw sa pagbalik sa Ginoo ingong dili makitang presensiya. Mas sayo pa niana, si Sir Isaac Newton (1642-1727) misulat nga si Kristo mobalik ug magahari nga “dili makita sa mga mortal.” Niadtong 1856, si Joseph Seiss, usa ka Lutheranong ministro sa Philadelphia, Pennsylvania, nagsulat bahin sa duha ka hugna sa ikaduhang pagbalik​—dili makitang pa·rou·siʹa, o presensiya, nga pagasundan sa usa ka makitang pagpadayag. Human niana, sa 1864, si Benjamin Wilson nagpatik sa iyang Emphatic Diaglott nga may mabasang hubad sa sunod linya nga migamit ug “presensiya,” dili “pag-anhi,” alang sa pa·rou·siʹa, ug si B. W. Keith, usa ka kauban ni Barbour, nagpaila niana kang Barbour ug sa iyang mga kauban.