Footnote

a Sa wala pa ang rebolusyon sa Oktubre 1917, gigamit sa Rusya ang mas karaang Julian nga kalendaryo, apan ang kadaghanang nasod mibalhin ngadto sa Gregorian nga kalendaryo. Niadtong 1917, ang Julian nga kalendaryo ulahig 13 ka adlaw sa Gregorian nga kalendaryo. Human sa rebolusyon, ang mga Sobyet mibalhin ngadto sa Gregorian nga kalendaryo, nga sukad niadto gigamit sa Rusya ang kalendaryo nga sama sa ubang bahin sa kalibotan. Ang Ortodoksong Iglesya, hinunoa, nagpadayon sa paggamit sa Julian nga kalendaryo alang sa mga selebrasyon niini, nga nagtawag niini nga “Daang Estilo” nga kalendaryo. Basin nakadungog ka nga ang Pasko gisaulog ug Enero 7 sa Rusya. Apan ibutang sa hunahuna nga ang Enero 7 diha sa Gregorian nga kalendaryo maoy Disyembre 25 diha sa Julian nga kalendaryo. Busa, daghang Ruso naghikay sa ilang panahon sa pangilin niining paagiha: Disyembre 25, Pasko sa Kasadpan; Enero 1, sekular nga Bag-ong Tuig; Enero 7, Ortodoksong Pasko; Enero 14, Daang Estilo nga Bag-ong Tuig.