Unang Cronicas

27 Mao kini ang gidaghanon sa mga Israelinhon, ang mga pangulo sa mga banay,* ang mga pangulo sa kada 1,000 ug kada 100,+ ug ang ilang mga opisyal nga nag-alagad sa hari+ pinaagi sa pagdumala sa tanang butang maylabot sa mga dibisyon nga mosulod ug mogawas matag bulan sa tanang bulan sa tuig; sa matag dibisyon dihay 24,000.

2 Ang nagdumala sa unang dibisyon sa unang bulan mao si Jasobeam+ nga anak ni Zabdiel, ug sa iyang dibisyon dihay 24,000. 3 Sa mga anak ni Perez,+ siya ang pangulo sa tanang pangulo sa mga grupo nga gitudlo sa pag-alagad sa unang bulan. 4 Ang nagdumala sa dibisyon sa ikaduhang bulan mao si Dodai+ nga Ahohihanon,+ ug si Miklot ang pangulo, ug sa iyang dibisyon dihay 24,000. 5 Ang pangulo sa ikatulong grupo nga gitudlo sa pag-alagad sa ikatulong bulan mao si Benaias+ nga anak ni Jehoiada+ nga pangulong saserdote, ug sa iyang dibisyon dihay 24,000. 6 Kini nga Benaias maoy banggiitang manggugubat nga usa sa 30 ug nagdumala sa 30, ug ang nagdumala sa iyang dibisyon mao si Amizabad nga iyang anak. 7 Ang ikaupat alang sa ikaupat nga bulan mao si Asahel,+ nga igsoon ni Joab,+ ug si Zebadias nga iyang anak ug manununod, ug sa iyang dibisyon dihay 24,000. 8 Ang ikalimang pangulo alang sa ikalimang bulan mao si Samhut nga Izrahanon, ug sa iyang dibisyon dihay 24,000. 9 Ang ikaunom alang sa ikaunom nga bulan mao si Ira+ nga anak ni Ikes nga Tekoahanon,+ ug sa iyang dibisyon dihay 24,000. 10 Ang ikapito alang sa ikapitong bulan mao si Helez+ nga Pelonhon sa mga Epraimnon, ug sa iyang dibisyon dihay 24,000. 11 Ang ikawalo alang sa ikawalong bulan mao si Sibecai+ nga Husahanon sa mga Zerahanon,+ ug sa iyang dibisyon dihay 24,000. 12 Ang ikasiyam alang sa ikasiyam nga bulan mao si Abi-ezer+ nga taga-Anatot+ sa mga Benjaminhon, ug sa iyang dibisyon dihay 24,000. 13 Ang ika-10 alang sa ika-10 nga bulan mao si Maharai+ nga Netopahanon sa mga Zerahanon,+ ug sa iyang dibisyon dihay 24,000. 14 Ang ika-11 alang sa ika-11 nga bulan mao si Benaias+ nga Piratonhon sa mga anak ni Epraim, ug sa iyang dibisyon dihay 24,000. 15 Ang ika-12 alang sa ika-12 nga bulan mao si Heldai nga Netopahanon, gikan kang Otniel, ug sa iyang dibisyon dihay 24,000.

16 Mao kini ang mga pangulo sa tribo sa Israel: Sa mga Rubenhon, si Eliezer nga anak ni Zikri maoy pangulo; sa mga Simeonhon, si Sepatias nga anak ni Maaca; 17 sa tribo ni Levi, si Hasabias nga anak ni Kemuel; sa mga kaliwat ni Aaron, si Zadok; 18 sa tribo ni Juda, si Elihu,+ usa sa mga igsoon ni David; sa tribo ni Isacar, si Omri nga anak ni Miguel; 19 sa tribo ni Zabulon, si Ismaias nga anak ni Abdias; sa tribo ni Neptali, si Jerimot nga anak ni Azriel; 20 sa mga Epraimnon, si Oseas nga anak ni Azazias; sa katunga sa tribo ni Manases, si Joel nga anak ni Pedaia; 21 sa katunga sa tribo ni Manases sa Gilead, si Ido nga anak ni Zacarias; sa tribo ni Benjamin, si Jaasiel nga anak ni Abner;+ 22 sa tribo ni Dan, si Azarel nga anak ni Jeroham. Mao kini ang mga prinsipe sa mga tribo sa Israel.

23 Wala ipha ni David kadtong 20 anyos paubos, kay si Jehova nagsaad nga himoon ang Israel nga sama ka daghan sa mga bituon sa kalangitan.+ 24 Gisugdan ni Joab nga anak ni Zeruia ang pag-ihap, apan wala niya kini humana; ug ang Diyos nasuko sa Israel* tungod niini,+ ug ang gidaghanon wala ibutang sa rekord sa kasaysayan ni Haring David.

25 Ang nagdumala sa mga tipiganag bahandi sa hari+ mao si Azmavet nga anak ni Adiel. Si Jonatan nga anak ni Uzzias ang nagdumala sa mga balay-tipiganan* diha sa mga kapatagan, siyudad, baryo, ug torre. 26 Ang nagdumala sa mga mag-uuma nga nagtikad sa yuta mao si Ezri nga anak ni Kelub. 27 Si Simei nga Ramatnon ang nagdumala sa mga ubasan; ang nagdumala sa mga tipiganan sa bino nga gikan sa ubas mao si Zabdi nga Sipminhon. 28 Ang nagdumala sa kaolibohan ug sa mga kahoyng sikomoro+ sa Sepela+ mao si Baal-hanan nga Gederhanon; ang nagdumala sa mga tipiganan sa lana mao si Joas. 29 Ang nagdumala sa mga panon sa baka nga nanibsib sa Saron+ mao si Sitrai nga Saronhon, ug si Sapat nga anak ni Adlai ang nagdumala sa mga panon sa baka diha sa mga patag.* 30 Ang nagdumala sa mga kamelyo mao si Obil nga Ismaelinhon; ang nagdumala sa mga asno* mao si Jedeias nga Meronotnon. 31 Ang nagdumala sa mga panon sa karnero mao si Jaziz nga Hagrihanon. Kini silang tanan mao ang mga pangulo nga nagdumala sa katigayonan ni Haring David.

32 Si Jonatan,+ nga pag-umangkon ni David, maoy magtatambag, usa ka tawo nga may pagsabot ug usa usab ka sekretaryo, ug si Jehiel nga anak ni Hakmoni mao ang nag-atiman sa mga anak nga lalaki sa hari.+ 33 Si Ahitopel+ maoy magtatambag sa hari, ug si Husai+ nga Arkihanon mao ang higala* sa hari. 34 Puli kang Ahitopel mao si Jehoiada nga anak ni Benaias+ ug si Abiatar;+ ug si Joab+ maoy pangulo sa kasundalohan sa hari.