BEL

[gikan sa Akadianhon, nga nagkahulogang “Tag-iya; Agalon”].

Usa ka Babilonyanhong bathala kansang makauulawng pagkapukan gitagnang mahitabo panahon sa kalaglagan sa Babilonya.​—Isa 46:1; Jer 50:2; 51:44.

Si Jehova magpugos kang Bel sa pagpagula sa kon unsay iyang gitulon pinaagi sa iyang mga magsisimba, kinsa nagpahinungod sa ilang mga kadaogan ngadto kaniya. Kinahanglan nga pagulaon ni Bel ilabina ang nadestiyerong katawhan ni Jehova ug ang sagradong mga kasangkapan sa Iyang templo. Dili na magaganayan ang mga katawhan sa kanasoran nga gisakop sa Babilonya aron mosimba kang Bel o mosurender ngadto sa iyang mga magsisimba nga daw mosurender ngadto sa pangunang diyos sa kalibotan.​—Jer 51:44; tan-awa ang MERODAK.