Dayag nga ang pagdahom nga ang Mesiyas mahimong usa ka yutan-ong hari gituohan usab ni Juan nga Tigbawtismo ug sa iyang mga tinun-an. Si Juan nahibalo nga si Jesus mao ang Mesiyas ug ang Anak sa Diyos, sanglit siya nakakita kaniya nga gidihogan sa balaang espiritu ug nakadungog sa tingog sa Diyos sa pag-uyon kaniya. Si Juan wala makulangi ug pagtuo. (Mat 11:11) Busa ang iyang pangutana, “Magpaabot pa ba kamig lain?” lagmit nagpasabot, ‘Magpaabot pa ba kamig lain nga maoy motuman sa tanang gilaoman sa mga Hudiyo?’

(Mat 11:3; Luc 7:18-23)