Sa Gregong Septuagint, ang Hebreohanong pulong nga tam usahay gihubad nga aʹmem·ptos. (Job 1:​1, 8; 2:3; 9:20) Ang mga porma niini nga pulong makita usab diha sa Kristohanon Gregong Kasulatan ug mahimong magkahulogan ingong “walay-ikasaway” o walay-kasaypanan.​—Luc 1:6; Flp 3:6;

Sa panglantaw sa iyang Hudiyong mga katalirongan, si Pablo walay-ikasaway sa wala pa siya mahimong usa ka tinun-an ni Jesu-Kristo. Gibuhat niya ang gisugo sa Balaod, nga nagtuman sa mga obligasyon nga gihatag kaniya ug gilikayan ang mga butang nga gidili. (Flp 3:6) Apan si Pablo niadtong panahona wala makabaton ug walay-ikasaway nga baroganan atubangan ni Jehova. Siya sad-an sa grabeng sala ingong usa ka maglulutos sa mga igsoon ni Kristo ug kanhi siya usa ka tigpasipala ug usa ka tawong bagis.​—1Ti 1:​13, 15.