Ang Yuta nga Gihatag sa Diyos Ngadto sa Israel

ANG yuta nga gihatag sa Diyos ngadto sa Israel maoy usa gayod ka maayong yuta. Sa dihang si Moises nagpadalag mga espiya nga nag-una sa nasod aron suhiron ang Yutang Saad ug aron makakuhag pipila gikan sa mga abot niini, sila mipauli nga nagdalag mga igos, mga granada, ug usa ka bugway sa ubas nga dako kaayo mao nga duha ka tawo ang nagpas-an niini pinaagig yayongan! Bisan tuod sa kahadlok sila miatras gumikan sa kakulang ug pagtuo, sila mitaho: Ang yuta “sa pagkatinuod nagaagay sa gatas ug dugos.”​—Num 13:​23, 27.