Human sa Lunop, si Noe ug ang iyang mga anak, ang mga katigulangan sa tanang tawo nga nabuhi karong adlawa, gisugo sa pagtahod sa kinabuhi, sa dugo sa isigkatawo. (Gen 9:​1, 5, 6)

Tungod sa panglantaw sa Diyos bahin sa kabililhon sa kinabuhi, ang dugo sa gibuno nga tawo giingon nga naghugaw sa yuta, ug ang maong kahugawan mahinloan lamang pinaagi sa pag-ula sa dugo sa mamumuno. Pinasukad niini, ang Bibliya nagtugot sa silot nga kamatayon alang sa mamumuno pinaagi sa tinudlong awtoridad. (Num 35:33; Gen 9:​5, 6)