Unsa ang labing maayong regalo nga ikahatag ninyo sa inyong mga anak? Sila daghag gikinahanglan, lakip ang inyong gugma, paggiya, ug proteksiyon. Apan ang labing bililhong regalo nga inyong ikahatag kanila mao ang kahibalo bahin kang Jehova ug sa mga kamatuoran nga anaa sa iyang Pulong, ang Bibliya. (Juan 17:3) Kana nga kahibalo makatabang sa inyong mga anak nga mahigugma kang Jehova ug moalagad kaniya nga tibuok kasingkasing, bisag bata pa.​—Mateo 21:16.

Nakita sa daghang ginikanan nga daling makakat-on ang mga bata kon mugbo lang ang mga leksiyon. Busa kami malipay sa pagtagana niini nga brosyur, ang Akong Leksiyon sa Bibliya. Ang matag leksiyon gidisenyo aron itudlo sa simpleng paagi. Ang mga hulagway ug mga pulong giandam ilabina para sa mga bata nga tres anyos paubos. May mga sugyot usab kini nga himoon sa mga ginikanan. Kini nga brosyur dili dulaan. Kini gidisenyo para basahan ninyo ang inyong mga anak aron mouswag ang inyong komunikasyon.

Kini nga publikasyon makatabang gayod samtang tudloan ninyo ang inyong mga anak sa kamatuoran sa Bibliya ‘sukad sa pagkamasuso.’​—2 Timoteo 3:14, 15.

Inyong mga igsoon,

Nagamandong Lawas sa mga Saksi ni Jehova

Kinsay naghimo sa yuta?

Kinsay naghimo sa dagat?

Kinsay naghimo nimo ug nako?

Kinsay naghimo sa alibangbang nga lainlaig kolor ang mga pako?

Si Jehova nga Diyos ang naghimo sa tanang butang.

PARA SA GINIKANAN

Basaha sa imong anak:

Pinadayag 4:11

Ipatudlo sa imong anak:

Bituon Panganod Adlaw

Bangka Mga bata Balay

Dagat Alibangbang

Pangutan-a ang imong anak:

Unsay ngalan sa Diyos?

Asa nagpuyo si Jehova?

Unsay iyang mga gihimo?

Tan-awa, nanggawas ang mga hayop sa arka!

Asa ang iro, asa ang baka?

Mga hayop nga gagmay ug tag-as, sa arka ni Noe ang tanan naluwas.

PARA SA GINIKANAN

Basaha sa imong anak:

Genesis 7:7-10; 8:15-17

Ipatudlo sa imong anak:

Oso Iro Elepante

Giraffe Leyon Unggoy

Baboy Karnero

Sebra Rainbow

Ipasundog sa imong anak ang tingog sa:

Iro Leyon Unggoy

Baboy Langgam

Nasakit ang amigo ni David.

“Kabalo na ko sa akong himoon,” siya miingon.

“Maghimo kog sulat para niya, ihatod nako ni, para malipay siya!”

Magpakitag kaayo aron malipay mo!

PARA SA GINIKANAN

Basaha sa imong anak:

1 Pedro 3:8

Ipatudlo sa imong anak:

Balay Lamesa Si David

Adlaw Langgam Kahoy

Pangutan-a ang imong anak:

Naa ka bay amigo nga nasakit?

Unsa kahay atong himoon para malipay siya?

Nag-ulan na pod.

“Dili ko kagawas.

Kanus-a ni mohunong?”

si Ana miingon.

Pero kalit mihayag,

ang adlaw misidlak!

Nalipay si Ana,

makadula na siya!

Si Ana midagan sa gawas may nakit-an, matahom nga butang nga nindot tutokan.

“Wala ko kabalo,” si Ana miingon, “ang Diyos nagpaulan para motubo ang kabulakan!”

PARA SA GINIKANAN

Basaha sa imong anak:

Buhat 14:17

Ipatudlo sa imong anak:

Bentana Langgam Si Ana

Kahoy Bulak

Ipapangita sa imong anak.

Bola Eroplano

Pangutan-a ang imong anak:

Nganong nagpaulan si Jehova?

Kon may moregalo o mopakitag kaayo, pahiyomi siyag kausa​—o bisan kaduha!

Pero bisan asa ka ug bisan may gibuhat, Ayawg kalimot sa pagsultig “Salamat!”

PARA SA GINIKANAN

Basaha sa imong anak:

1 Tesalonica 5:18

Ipatudlo sa imong anak:

Regalo Bata

Pultahan Pagkaon

Ipapangita sa imong anak.

Mansanas Telepono

Pangutan-a ang imong anak:

Nganong maayong magpasalamat?

Tan-awa imong kamot ug lihok-lihoka imong tiil.

Hikapa imong dalunggan ug dayon ang imong ilong.

Tan-awa imong bitiis nga magamit sa pagdagan, paglukso, pagtuyok-tuyok, ug sa pagdula-dula!

Tan-aw sa samin, unsay imong nakita?

Maayo kaayo kang pagkabuhat ni Jehova!

PARA SA GINIKANAN

Basaha sa imong anak:

Salmo 139:14

Ipatudlo sa imong anak ang iyang:

Kamot Tiil Ilong

Dalunggan Baba

Ipapangita sa imong anak.

Alimango Iring

Pangutan-a ang imong anak:

Kinsay naghimo nimo ug nako?