REPTILYA

Ang reptilya maoy usa ka hayop nga bugnaw-ug-dugo, adunay taludtod, ug makaginhawa sa kamad-an. Ang Hebreohanong pulong alang sa mga reptilya naggikan sa berbong za·chalʹ, nga nagkahulogang “dailos.” Sumala sa giingon sa Deuteronomio 32:​24, lakip sa mga butang nga mohatag ug kasakitan sa idolatrosong Israel mao ang “kalala sa mga reptilya sa yuta,” dayag nga nagtumong sa malalang mga bitin. (Itandi ang Jer 8:17.) Sa Miqueas 7:​17, ang mga nasod nga nabuntog sa gahom sa Diyos gihisgotan ingong nanggula gikan sa ilang mga kuta sama sa nalisang nga mga reptilya.

Gawas sa mga halas, ang ubang mga reptilya nga gihisgotan sa Bibliya mao ang kamelyon, tuko ug ang ubang mga tabili.​—Tan-awa ang mga komento ubos sa ilang tagsatagsa ka ngalan.