MERIB-BAAL

[lagmit, Nakig-away Kang Baal; o, Si Baal Naghimog Legal nga Depensa].

Apong lalaki ni Haring Saul, anak ni Jonatan, ug ang amahan ni Miqueas. (1Cr 8:​33, 34) Lagmit nga kini maoy laing ngalan ni Mepiboset. Ang ubang mga tawo may duha ka ngalan usab, sama kang Esbaal nga gitawag usab ug Is-boset.​—Itandi ang 2Sa 2:8 sa 1Cr 8:33.

Ang ngalan nga Merib-baal makaplagan diha sa duha ka daw magkalahing mga porma sa Hebreohanon (Merivʹ baʹʽal ug Meri-vaʹʽal) sa 1 Cronicas 9:40. Ang unang porma gigamit usab diha sa 1 Cronicas 8:34. Makita nga mao ra kini sila sanglit si Mepiboset may batang anak nga lalaking ginganlag Mica ug si Merib-baal may anak nga lalaking ginganlag Miqueas. (Itandi ang 2Sa 9:12 sa 1Cr 9:40.) Naporma ang mga ngalang “Mica” ug “Miqueas” tungod sa diyutayng kalainan sa Hebreohanong espeling niini nga mga ngalan.