Ang Bibliya nag-ingon nga ang kinabuhi sa tawo ‘mubo ug punog kasakit.’ (Job 14:1) Kini ba gyod ang gusto sa Diyos para nato? Kon dili, unsa may gusto niya para nato? Matuman ba gyod na? Sayra ang makapahupay nga mga tubag sa Bibliya.

1. Unsa nga kinabuhi ang gusto ni Jehova para nato?

Gusto ni Jehova nga mabatonan nato ang pinakamaayong kinabuhi. Dihang iyang gilalang ang unang mga tawo, si Adan ug Eva, iya silang gibutang sa nindot nga paraiso, ang tanaman sa Eden. “Unya ang Diyos nagpanalangin kanila ug miingon: ‘Panganak mo ug pagdaghan, pun-a ang yuta ug gamhi kini.’” (Genesis 1:28) Gusto ni Jehova nga manganak sila, himoon nilang paraiso ang tibuok yuta, ug atimanon nila ang mga hayop. Gusto niya nga ang tanang tawo dili masakit ug mabuhi sila hangtod sa hangtod.

Bisag dili ingon ana ang kahimtang karon,a gusto gihapon sa Diyos nga makabaton tag ingon ana nga kinabuhi. (Isaias 46:10, 11) Gusto gihapon niya nga ang masinugtanong mga tawo mabuhi hangtod sa hangtod nga walay problema ug kalisdanan.—Basaha ang Pinadayag 21:3, 4.

2. Unsay makahatag ug kahulogan sa imong kinabuhi karon?

Gilalang ta ni Jehova nga naay “espirituwal nga panginahanglan,” mao nga naa tay tinguha nga mailhan siya ug simbahon siya. (Basaha ang Mateo 5:3-6.) Gusto niya nga masuod ta niya, ‘mosubay sa tanan niyang dalan, higugmaon siya,’ ug alagaron siya “sa bug-os [natong] kasingkasing.” (Deuteronomio 10:12; Salmo 25:14) Kon ato nang himoon, magmalipayon gyod ta bisan pag naay mga problema. Dihang simbahon nato si Jehova, naay tinuod nga kahulogan ang atong kinabuhi kay nagkinabuhi ta sa paagi nga iyang gusto.

3. Gusto ni Jehova nga ang mga tawo makabaton ug maayo kaayong kinabuhi

I-play ang VIDEO, ug dayon hisgoti ang mosunod nga pangutana:

VIDEO: Nganong Gilalang sa Diyos ang Yuta?—Excerpt (1:41)

• Nganong gilalang sa Diyos ang atong nindot nga planeta?

Basaha ang Ecclesiastes 3:11, ug dayon hisgoti kini nga pangutana:

• Unsay gitudlo niini bahin kang Jehova?

4. Ang gusto ni Jehova para sa mga tawo wala mausab

Basaha ang Salmo 37:11, 29 ug Isaias 55:11, ug dayon hisgoti kini nga pangutana:

• Giunsa nato pagkahibalo nga wala mausab ang gusto ni Jehova para nato?

5. Ang pagsimba kang Jehova makahatag ug tinuod nga kahulogan sa atong kinabuhi

VIDEO: Nakat-onan Nako ang Katuyoan sa Kinabuhi (5:03)

• Sa unsang paagi si Terumi nakabenepisyo sa pagkahibalo sa katuyoan sa kinabuhi?

Basaha ang Ecclesiastes 12:13, ug dayon hisgoti kini nga pangutana:

• Kay daghan kaayo ug nahimo si Jehova para nato, unsaon nato pagpakita nga mapasalamaton ta niya?

SUMARYO

Gusto ni Jehova nga mabuhi ta sa yuta hangtod sa hangtod nga walay problema ug kalisdanan. Dihang simbahon nato siya sa bug-os natong kasingkasing, ang atong kinabuhi naay kahulogan—bisan karon.

Review

• Unsay gusto ni Jehova para kang Adan ug Eva?

• Giunsa nato pagkahibalo nga wala mausab ang gusto sa Diyos para sa mga tawo?

• Unsay makahatag ug tinuod nga kahulogan sa imong kinabuhi?

SUSIHA

Sayra ang ebidensiya nga tinuod gyod ang tanaman sa Eden.

“Ang Tanaman sa Eden—Tumotumo o Tinuod?” (Ang Bantayanang Torre, Enero 1, 2011)

Sayra kon nganong makaseguro ta nga dili malaglag ang yuta.

“Laglagon ba ang Yuta?” (Web article)

Sayra ang giingon sa Bibliya bahin sa katuyoan sa kinabuhi.

“Unsay Katuyoan sa Kinabuhi?” (Web article)

Tan-awa kon sa unsang paagi nahibaloan sa usa ka tawo nga naa diay kulang ang iyang kinabuhi bisag sa primero abi niyag naa niya ang tanan.

Naa nay Direksiyon ang Akong Kinabuhi (3:55)

2. Kinsay kauban ni Jesus sa pagmando?

Si Jesus naay kauban sa pagmando. Naay mga tawo “gikan sa matag tribo ug pinulongan ug katawhan ug nasod . . . [nga] magmando ingong hari ibabaw sa yuta.” (Pinadayag 5:9, 10) Unsa ka daghan ang kauban sa Kristo sa pagmando? Sukad nga si Jesus mianhi sa yuta, minilyong Kristohanon ang nahimong iyang sumusunod. Sila bang tanan magmando uban kaniya? Dili, kay 144,000 lang ang moadto sa langit aron magmando kauban ni Jesus. (Basaha ang Pinadayag 14:1-4.) Ang tanang ubang Kristohanon sa yuta mahimong sakop sa Gingharian.—Salmo 37:29.

Ang Gingharian sa Diyos nagmando na. Sa dili madugay, kini maghimog dagkong kausaban sa yuta. Atong hisgotan ang pipila sa maayong mga butang nga imong madahom ubos sa pagmando sa Gingharian.

1. Sa unsang paagi ipahinabo sa Gingharian sa Diyos ang kalinaw ug hustisya sa yuta?

Si Jesus, ang Hari sa Gingharian sa Diyos, maglaglag sa daotang mga tawo ug sa mga gobyerno sa gubat sa Armagedon. (Pinadayag 16:14, 16) Nianang panahona, matuman na gyod kini nga saad sa Bibliya: “Sa dili na madugay, ang daotan mawala na.” (Salmo 37:10) Pinaagi sa Gingharian, paneguroon ni Jesus nga naay kalinaw ug hustisya sa tibuok yuta.—Basaha ang Isaias 11:4.

2. Unsay kahimtang dihang matuman na ang kabubut-on sa Diyos dinhi sa yuta?

Ubos sa pagmando sa Gingharian sa Diyos, “ang mga matarong manag-iya sa yuta, ug sila magpuyo niini hangtod sa hangtod.” (Salmo 37:29) Imadyina ang panahon dihang ang tanang tawo sa tibuok kalibotan matarong ug nahigugma kang Jehova ug sa usag usa! Wala nay masakit, ug ang tanan mabuhi na hangtod sa hangtod.

3. Unsay himoon sa Gingharian sa Diyos human malaglag ang mga daotan?

Human malaglag ang mga daotan, si Jesus magmando ingong Hari sulod sa 1,000 ka tuig. Sulod nianang panahona, siya ug ang 144,000 nga kauban niyang magmamando motabang sa mga tawo sa yuta nga mahimong hingpit ug walay sala. Sa kataposan sa 1,000 ka tuig, ang tibuok yuta nindot na nga paraiso ug ang tanang tawo malipayon kay sila nagsunod sa mga balaod ni Jehova. Dayon ibalik ni Jesus ang pagmando ngadto sa iyang Amahan, si Jehova. Nianang panahona, bug-os nang ‘mabalaan ang ngalan’ ni Jehova. (Mateo 6:9, 10) Mapamatud-an na gyod nga si Jehova maayong Magmamando nga nagmahal sa iyang mga sakop. Dayon laglagon ni Jehova si Satanas, ang mga demonyo, ug ang uban pa nga mopili sa pagrebelde sa Iyang pagmando. (Pinadayag 20:7-10) Ang hingpit nga kahimtang nga ipahinabo sa Gingharian sa Diyos magpadayon hangtod sa hangtod.

TUN-IG DUGANG

4. Wagtangon sa Gingharian sa Diyos ang mga gobyerno sa tawo

“Ang tawo nagmando sa tawo alang sa iyang ikadaot.” (Ecclesiastes 8:9) Pinaagi sa Gingharian, wad-on ni Jehova ang mga epekto niini nga inhustisya.

Basaha ang Daniel 2:44 ug 2 Tesalonica 1:6-8, ug dayon hisgoti kini nga mga pangutana:

• Unsay himoon ni Jehova ug sa iyang Anak, si Jesus, sa gobyerno sa mga tawo ug sa mga nagsuportar niini?

• Base sa imong nakat-onan bahin kang Jehova ug Jesus, nganong makasalig ka nga ang ilang buhaton subay sa hustisya ug patas para sa tanan?

5. Si Jesus ang pinakamaayong Hari

Ingong Hari sa Gingharian sa Diyos, daghag himoon si Jesus para sa iyang mga sakop sa yuta. I-play ang VIDEO aron imong mahibaloan kon sa unsang paagi gipakita ni Jesus nga gusto niyang tabangan ang mga tawo ug nga gihatagan siya sa Diyos ug gahom sa paghimo niana.

VIDEO: Gipakita ni Jesus Kon Unsay Himoon sa Gingharian (1:13)

Dihang nia si Jesus sa yuta, gipakita niya kon unsay himoon sa Gingharian. Sa mga panalangin nga nia dinhi, asa ani ang eksayted kaayo ka? Basaha ang mga teksto nga naghisgot sa maong mga panalangin.

6. Ipahinabo sa Gingharian sa Diyos ang nindot kaayo nga kaugmaon

VIDEO: Pasiuna sa Usa ka Nindot nga Kaugmaon (4:38)

Basaha ang Salmo 145:16, ug dayon hisgoti kini nga pangutana:

• Unsay imong gibati sa pagkahibalo nga “tagbawon [ni Jehova] ang tinguha sa tanang buhing linalang”?

SUMARYO

Himoon sa Gingharian ang gusto sa Diyos nga himoon niini. Ang tibuok yuta himoong paraiso nga punog maayong mga tawo nga magsimba kang Jehova hangtod sa hangtod.

Review

• Sa unsang paagi balaanon sa Gingharian sa Diyos ang ngalan ni Jehova?

• Nganong makasalig ta nga tumanon sa Gingharian sa Diyos ang mga saad sa Bibliya?

• Sa mga himoon sa Gingharian, asa ana ang eksayted kaayo ka?

SUSIHA

Sayra kon unsa ang Armagedon.

“Unsa ang Gubat sa Armagedon?” (Web article)

Susiha ang mga hitabo panahon sa gitawag ni Jesus nga “dakong kasakitan.”—Mateo 24:21.

“Unsa ang Dakong Kasakitan?” (Web article)

Tan-awa kon sa unsang paagi ang mga pamilya makapamalandong sa panahon nga mag-uban sila sa Paraiso.

Handurawa nga Naa Ka sa Paraiso (1:50)

Sa artikulong “Daghang Pangutana ang Naghasol sa Akong Hunahuna,” sayra kon sa unsang paagi nakita sa usa ka aktibista ang tubag sa iyang mga pangutana.

“Ang Bibliya Makabag-o sa Kinabuhi” (Ang Bantayanang Torre, Enero 1, 2012)