“Iya sa Diyos nga Dalan sa Kinabuhi”—1998-1999 nga Kombensiyon Sugdan sa Dili Madugay!
SA Pilipinas lamang, 51 ka kombensiyon ang gieskedyul gikan sa Disyembre hangtod sa Enero. Lagmit, usa niining tulo-ka-adlaw nga mga panagkatigom maanaa sa usa ka siyudad nga dili halayo sa imong balay. Ang programa magsugod sa Biyernes ug Sabado—uban ang musika sa alas 8:30 s.b. Sa Dominggo kini magsugod sa alas 9:00 s.b.
Ang programa sa Biyernes sa buntag magpasiugda sa mga taho sa pag-uswag sa pagsangyaw sa Gingharian sa nagkalainlaing mga bahin sa kalibotan. Ug ang tema sa kombensiyon ipasiugda sa keynote address, “Halad Lukat ni Kristo—Dalan sa Diyos sa Kaluwasan.”
Sa hapon ang simposyum nga, “Mga Ginikanan—Itisok ang Dalan sa Diyos Diha sa Inyong mga Anak,” magtaganag mga sugyot kon unsaon pagdasig ang mga batan-on sa paghigugma ug pag-alagad kang Jehova. Ang programa sa hapon tiklopan sa pakigpulong nga “Aduna bay Kinabuhi Luyo sa Kamatayon?”
Ang programa sa buntag sa Sabado magpasiugda sa buluhaton nga paghimog-tinun-an sa mga Saksi ni Jehova sa tulo ka sunodsunod nga mga bahin, “Pagtabang sa mga Tawo nga Makasubay sa Dalan sa Kinabuhi,” “Ang Hagit sa Pag-abot sa mga Tawo,” ug “Pagtudlo sa mga Tinun-an sa Tanang Gisugo ni Kristo.” Sa paniklop sa programa sa buntag, dunay tagana alang sa bag-ong mga tinun-an nga mabawtismohan.
Ang pangbukas nga pakigpulong sa hapon sa Sabado, “Pag-alagad nga Nagalantaw sa Kinabuhing Walay Kataposan,” magdasig nato sa paghimog mainampoong paghunahuna sa atong personal nga mga katarongan sa pag-alagad sa Diyos. Ang mga pakigpulong nga “Pag-apresyar sa ‘mga Gasa nga mga Tawo,’ nga Nagtudlo sa Dalan sa Diyos” ug “Personalidad—Hukasa ang Daan ug Isul-ob ang Bag-o” magpresentar sa makapalamdag nga bersikulo por bersikulo nga pagsusi sa Efeso kapitulo 4. Sunod, ang maayong Kasulatanhong tambag itagana diha sa pakigpulong nga “Pagpabiling Walay Lama Gikan sa Kalibotan” ug sa tulo-ka-bahin nga simposyum nga “Mga Batan-on—Subaya ang Dalan sa Diyos.” Ang programa sa hapon tiklopan uban sa pakigpulong nga “Ang Maglalalang—Iyang Personalidad ug Iyang mga Dalan.”
Ang programa sa buntag sa Dominggo magpasiugda sa tulo-ka-bahin nga simposyum nga maghisgot sa paniklop nga mga kapitulo sa basahon sa Bibliya nga Ezequiel maingon man sa matagnaong kapadapatan niini. Ang motapos sa programa sa buntag mao ang full-costume nga drama nga gipasukad sa pagkamatinumanon sa tulo ka Hebreohanong mga batan-on. Ang highlight sa kombensiyon sa hapon mao ang pahayag publiko, “Ang Bugtong Dalan Ngadto sa Kinabuhing Walay Kataposan.”
Seguradong mapalig-on ka sa espirituwal pinaagi sa pagtambong sa tibuok tulo ka adlaw. Ikaw mainitong giabiabi sa pagtambong sa matag sesyon, ang tanan, siyempre, himoon nga libre alang kanimo. Alang sa dapit nga duol sa imong balay, kontaka ang lokal nga Kingdom Hall sa mga Saksi ni Jehova o sulati ang mga magpapatik niining magasina.
[Hulagway sa panid 32]
GOD’S WAY of LIFE
[Hulagway sa panid 32]
1998-1999
[Hulagway sa panid 32]
CONVENTION of
[Hulagway sa panid 32]
JEHOVAH’S WITNESSES
[Hulagway sa panid 32]
P R O G R A M
[Hulagway sa panid 32]
District and International Conventions Held Worldwide
[Hulagway sa panid 32]
w98-CV 12/1