-
‘Paglipay Hangtod sa Kahangtoran sa Akong Gilalang’Tagna ni Isaias—Kahayag Alang sa Tibuok Katawhan II
-
-
7, 8. Sa unsang mga paagi ang gahiang katawhan ni Jehova nakapasuko kaniya?
7 Ang gahiang mga Hudiyo sublisubling nakapasuko kang Jehova pinaagi sa ilang makauulawng panggawi. Si Jehova nagbatbat sa ilang mapasipalahong mga buhat: “Ang katawhan nga gilangkoban nilang nagpasuko kanunay kanako sa akong atubangan mismo, nga naghalad diha sa mga tanaman ug naghimog gipaaso nga halad ibabaw sa mga tisa, nga nanglingkod taliwala sa mga lubnganan, nga nagpalabay usab sa kagabhion diha mismo sa mga bantayanang payag, nga nagkaon sa unod sa baboy, bisan sa sabaw sa hugaw nga mga butang diha sa ilang mga sudlanan; kadtong nag-ingon, ‘Diha ka lang. Ayaw pagduol kanako, kay akong ipadangat gayod ang pagkabalaan kanimo.’ Kini maoy aso sa mga buho sa akong ilong, usa ka kalayo nga nagadilaab sa tibuok adlaw.” (Isaias 65:3-5) Kining maorag balaang mga tawo nakapasuko kang Jehova ‘sa iyang atubangan mismo’—usa ka pamulong nga mahimong magpasabot sa pagkamapangahason ug pagkawalay-tahod. Wala sila maningkamot sa pagtago sa ilang dulumtanang mga buhat. Dili ba salawayon gayod ang paghimog mga sala sa presensiya mismo sa Usa nga angayng tahoron ug sundon?
8 Sa pagkatinuod, kining nagpakamatarong-sa-kaugalingon nga mga makasasala nagaingon ngadto sa ubang mga Hudiyo: ‘Palayo kamo, kay ako mas balaan kay kaninyo.’ Pagkamaot baya! Ang maong “balaan” nga mga tawo nagtanyag sa mga halad ug nagsunog ug insenso ngadto sa bakak nga mga diyos, nga gihukmang daotan sa Balaod sa Diyos. (Exodo 20:2-6) Sila nanglingkod taliwala sa mga lubnganan, nga naghimo kanilang mahugaw sumala sa Balaod. (Numeros 19:14-16) Sila nagkaon sa unod sa baboy, nga maoy mahugaw nga pagkaon.a (Levitico 11:7) Bisan pa niana, tungod sa ilang relihiyosong mga kalihokan gibati nila nga mas balaan kay sa ubang mga Hudiyo, ug gusto nilang magpalayo ang ubang mga tawo aron sila dili mahimong balaan, ingnon ta, o mahinlo, pinaagi lamang sa pagpakig-uban. Bisan pa niana, kon bahin sa mga butang kana dili gayod mao ang pag-isip sa Diyos kinsa nangayog “bug-os nga pagkamahinalaron”!—Deuteronomio 4:24.
-
-
‘Paglipay Hangtod sa Kahangtoran sa Akong Gilalang’Tagna ni Isaias—Kahayag Alang sa Tibuok Katawhan II
-
-
a Daghan ang naghunahuna nga ang maong mga makasasala didto sa mga lubnganan nga naningkamot nga makigsulti sa mga patay. Ang ilang pagkaon sa unod sa baboy basin nalangkit sa pagsimbag diyosdiyos.
-