PREPEKTO

Usa ka opisyal nga mas ubos kay sa usa ka satrapa diha sa kagamhanan sa Babilonya. Ang titulo gigamit diha sa Daniel 2:48 maylabot sa “maalamon nga mga tawo sa Babilonya.” Mopatim-aw nga kining “maalamon nga mga tawo” giklasipikar sumala sa ilang opisyal nga mga katungdanan. Si Daniel gitudlo ingong pangulong prepekto ibabaw sa tanang “maalamon nga mga tawo sa Babilonya.”​—Dan 3:​2, 3, 27.

Ubos sa pagmando ni Haring Dario nga Medianhon, ang harianong mga opisyal “nagpanon” sa pag-adto sa atubangan ni Dario, nga nagpaila nga nalangkit ang igoigong gidaghanon, ug miingon nga ang tanang opisyal, lakip ang mga prepekto, nagrekomendar sa paghimog usa ka balaod nga nagmando sa pagpangaliya lamang ngadto sa hari, sulod sa 30 ka adlaw. Si Daniel nagpadayon sa pagpangaliya kang Jehova, ug si Jehova nagluwas kaniya; ang mga nagkunsabo ang nahiagom sa kamatayon didto sa gahong sa mga leyon.​—Dan 6:​6, 7, 24.