• Imperyo sa Gresya
    Pagtugkad sa Kasulatan, Tomo 2

    • Apan ang tagna sa Bibliya nga gitala niadtong ikaunom nga siglo W.K.P. naghisgot sa usa ka dakong kausaban. Unang naglarawan sa Gresya ingong usa ka leopardo nga may mga pako ug dayon ingong usa ka laking kanding nga may usa ka sungay nga tataw kaayo, kini sa walay sipyat nagtagna nga yatakan sa Gresya ang Medo-Persianhong Gahom sa Kalibotan. Kini usab nagbutyag nga ang gahom sa usa ka “sungay nga tataw kaayo” pagabalion ug ang laing upat ka sungay motungha puli niini.​—Dan 7:6; 8:5-8, 20-22; 11:​3, 4.

      Si Alejandrong Bantogan mao ang “sungay nga tataw kaayo.” Sukad niadtong 334 W.K.P., ang usa ka gamay apan disiplinado kaayo nga Gregong kasundalohan iyang gipangunahan ngadto sa sunodsunod nga kadaogan. Sama katulin sa kilat, iyang gisakop ang Asia Minor, Sirya, Palestina, Ehipto, ug ang tibuok Imperyo sa Medo-Persia hangtod sa India. Apan sulod sa pipila lang ka tuig si Alejandro namatay, ug sulod sa hamubong panahon ang iyang imperyo nabahin sa upat, taliwala sa upat niya ka heneral.

  • Imperyo sa Gresya
    Pagtugkad sa Kasulatan, Tomo 2

    • Niadtong 323 W.K.P., sa edad nga 32 anyos, si Alejandro gihilantan tungod sa malarya ug namatay. Sa mga 301 W.K.P., ang upat sa iyang mga heneral migahom: si Ptolemy Lagus sa Ehipto ug Palestina; si Seleucus Nicator sa Mesopotamia ug Sirya; si Lysimachus sa Trasia ug Asia Minor; ug si Cassander sa Macedonia ug Gresya (Dan 7:6; 8:8; 11:4)

      [Hulagway sa panid 335]

      Ang Gregong mga dula, sama niining makita sa kinulit nga nadiskobrehan sa Atenas, konektado sa Gregong relihiyon ug nagpasiugda sa Helenismo. Busa ang usa ka gimnasyum nga gitukod sa Jerusalem nakaimpluwensiya sa batan-ong mga Hudiyo

      [Hulagway sa panid 335]

      Usa ka seramik nga bandihado nga nagpakita sa usa ka baboy nga gihalad. Sa usa ka daotang paningkamot sa paghugaw ug paghanaw sa pagsimba ni Jehova, si Antiochus IV (Epiphanes) nagtanyag sa maong halad ibabaw sa usa ka halaran nga gitukod ibabaw sa dakong halaran didto sa templo ni Jehova sa Jerusalem ug unya nagpahinungod sa maong templo ngadto kang Zeus

      [Hulagway sa panid 335]

      Sensilyo nga may hulagway ni Antiochus IV (Epiphanes)

      [Hulagway sa panid 336]

      Karaang Corinto. Ang mga Kristohanon sa unang-siglong kongregasyon dinhi kinahanglang makigbugno sa impluwensiya sa Gregong pilosopiya ug sa makadaot sa moral nga mga buhat sa relihiyon niini

      [Hulagway sa panid 336]

      Ang pilosopo nga si Plato, sa ikaupat nga siglo W.K.P., dakog nahimo sa pagsabwag sa Gregong ideya bahin sa pagkadili-mamatay sa kalag

      [Hulagway sa panid 336]

      Ang Alexandrine Manuscript, nga gisulat sa Grego, sa ikalimang siglo K.P. Kadaghanan sa Kristohanon Gregong Kasulatan gisulat sa orihinal diha sa Koine, ang komon nga Grego