KAIWAN

Lagmit usa ka diyos-bituon, tungod kay ang ngalang Kaiwan gihisgotan nga katumbas sa “bituon sa inyong diyos.” (Am 5:26) Dayag nga ang Akadianhong bituon nga kaimanu o kaiwanu mao ang gipasabot, sanglit kini makita diha sa Akadianhong mga inskripsiyon ingong ngalan ni Saturno (usa ka diyos-bituon). Sa Masoretikong teksto ang ngalan tinuyong gibutangan ug mga marka para sa bokales aron mahimong katumbas sa Hebreohanong pulong nga shiq·qutsʹ (dulumtanang butang). Sa Gregong Septuagint, ang “Kaiwan” gihubad nga Rhai·phanʹ, nga gituohang mao ang Ehiptohanong ngalan ni Saturno; ug diha sa pagkutlo ni Esteban, sa Buhat 7:​43, ang Rhom·phaʹ makita diha sa Gregong teksto ni Westcott ug Hort.​—Tan-awa ang ASTROLOGO; REPAN.