Ang Ilhanan—Pamatuod ha nga Duol na ang Bag-ong Kalibotan?

“Ang mga nasod managgubat batok sa laing nasod, ug ang gingharian batok sa gingharian: ug dunay mga gutom, ug mga kamatay, ug mga linog, sa [nagkalainlaing] mga dapit.”—Mateo 24:7, King James Version.

WHILE World War I raged, The Watch Tower, April 15, 1917, quoted these words and stated: “We see now a partial fulfillment of this prophetic statement, in that practically all the nations of earth are engaged in deadly conflict. The available food supply is everywhere decreasing and the cost of living increasing.”

Karon, 71 ka tuig ang milabay, ginakuha gihapon ning magasina ang pagtagad sa mga magbabasa ning maong tagna. Tulo ka karaang mga manalaysay ang mirekord niining tagnaa ingong bahin sa “ilhanan” nga gihatag ni Jesu-Kristo. —Mateo 24:3, 7; Marcos 13:4, 8; Lucas 21:7, 10, 11.

Sukad sa 1914, ang ginatos ka minilyong mga kinabuhi nangamatay sa mga gubat, sa kagutmanan, ug sa mga kamatay, ug sa ubang mga katalagman. Ang The New Encyclopeadia Bri-tannica (1987) milistag 63 ka “Dagkong historikal nga mga linog” sa yugto sa miaging 1,700 ka tuig. Sa total niini, 27, o 43 porsiento, ang miabot sukad sa 1914. Ang librong Terra Non Firma, ni Propesor Gere ug Shah, may listahan nga nagkobre ug taas nga yugto. Diha sa ilang total sa “tilimad-ong” mga linog niana nga listahan, 54 porsiento ang nahitabo sukad sa 1914.a Bisan tugotan pa nga ang mga rekord sa nangaging mga siglo dili kompleto, dili kita makalikay sa konklusyon nga sa atong panahon ang katawhan naapektohan kaayo sa mga linog.

Usa ka butang nga mas makalilisang nga nakahatag kahadlok sa mga kasingkasing sa tawo mao ang pagbuto sa mga bomba atomika sa mga siyudad sa Hiroshima ug Nagasaki sa Japan. Ang nukleyar nga mga gahom karon dunay daghan kaayong mga armas alang sa paglaglag sa masa nga naghulga sa pagkapuo sa katawhan. Mipadayon ang manalaysay nga si Lucas sa pagrekord sa tagna ni Jesus: “Aduna unyay makahahadlok nga mga talan-awon ug gikan sa langit dagkong mga ilhanan . . . ug diha sa yuta dunay kagul-anan sa kanasoran, nga managkalibog . . . ang mga tawo panguyapan tungod sa kalisang ug sa pagpaabot sa mga butang nga mahitabo sa kalibotan.”—Lucas 21:11, 25, 26.

Bisan pa nga magkauyon ang dagkong mga gahom sa kalibotan sa pagkunhod sa gidaghanon sa mga armas sa ilang mga pundohanan sa ilang mga hinagiban, kining maong mga kasabotan dili makakunhod sa kahadlok sa tawo sa mapintas nga krimen, pagkahapay sa ekonomiya, ug terorismo. “Ang nakahatag kabalaka sa mga tawo karong adlawa,” miingon ang mantalaan sa Aprika, “mao ang ilang kaugalingong kaluwasan. . . . Misamot ang krimen . . . ; anaa ang kaylap nga kahadlok.” Oo, ug si Jesus mitagna nga ang “pagdaghan sa kadaotan” maoy lain pang tukmang bahin sa ilhanan.—Mateo 24:12.

Bisan pa nga magkauyon ang dagkong mga gahom sa kalibotan sa pagkunhod sa gidaghanon sa mga armas sa ilang mga pundohanan sa ilang mga hinagiban, kining maong mga kasabotan dili makakunhod sa kahadlok sa tawo sa mapintas nga krimen, pagkahapay sa ekonomiya, ug terorismo. “Ang nakahatag kabalaka sa mga tawo karong adlawa,” miingon ang mantalaan sa Aprika, “mao ang ilang kaugalingong kaluwasan. . . . Misamot ang krimen . . . ; anaa ang kaylap nga kahadlok.” Oo, ug si Jesus mitagna nga ang “pagdaghan sa kadaotan” maoy lain pang tukmang bahin sa ilhanan.—Mateo 24:12.

“Maayong Balita”

Ikaw mahupayan nga makadungog, hinuon, nga ang makalilisang nga mga hitabo nga bag-o pa lang gihisgotan gitagna nga ubanan sa “maayong balita nga igawali sa tibuok yuta.” (Mateo 24:14) Ang “maayong balita” mao ang Gingharian sa Diyos. Sa karon, kanang maong labaw-tawhanong kagamhanan sa kalibotan nakatigom nag minilyong mga ginsakopan. Kini sa madugay mangilabot sa tawhanong kalihokan ug motagbaw sa panginahanglan sa tawo ug usa ka matarong bag-ong kalibotan.—Lucas 21:28-32; 2 Pedro 3:13.

Isalikway sa kadaghanan ang “maayong balita” tungod sa dili-pagtuo. Ang uban moingon nga sila nagtuo niini, apan walay gihimo bahin niini. Ang uban milihok niini sa pila ka panahon, unya misugod sila sa pagduhaduha. Kini bang negatibong mga reaksiyon gitagna usab ingong bahin sa ilhanan? Labing hinungdanon, sa unsang paagi makapahimulos ka mismo gikan ning maong ilhanan?

[Footnotes]