Tagna Natuman

SA DIHANG si Kristo Jesus gipangutana sa iyang mga tinun-an bahin sa ilhanan sa iyang dili-makitang presensiya sa paggahom sa Gingharian, si Jesus mitagna nga “mosanay ang pagkadaotan.” (Mateo 24:3, 12) Kini bang tagnaa natuman sa atong adlaw?

Sa pagkatinuod kini natuman! Ang librong The United Nations and Crime Prevention, nga gipatik sa HK sa Oktubre 1991, miingon: “Ang mabangis nga krimen sa pagkatalagsaon maoy usa ka grabeng suliran sa kadaghanang mga nasod sa kalibotan. Ang mga krimen sulod sa nasod dili na makontrolar sa kadaghanan diha sa tagsatagsa ka nasod ug ang krimen nga gawas sa utlanan sa nasod misulbong nga dili na maabot sa karong internasyonal nga komunidad. . . . Ang krimen sa organisadong kriminal nga mga grupo misamot sa makahahadlok nga gidaghanon, nga ilabinang may grabeng mga sangpotanan maylabot sa pisikal nga kapintasan, panghadlok ug korapsiyon sa publikong mga opisyal. Ang terorismo nakapatay ug tinagpulo ka libong inosenteng mga biktima. Ang malungkabong pamatigayon sa makagiyan nga mga narkotiko nahimong usa ka tibuok-yutang trahedya. Ang daotan walay-popanagana nga paglaglag sa palibot gihimo sa makalilisang nga mga paagi ug mga gidak-on nga kini naila ingong usa ka krimen batok sa kalibotan mismo.”

Mga pag-atake: Usa ka pag-uswag gikan sa 150 ka pag-atake sa matag 100,000 ka tawo sa 1970 ngadto sa halos 400 sa matag 100,000 sa 1990.

Mga pagpangawat: Usa ka pag-uswag gikan sa kapin sa 1,000 lamang sa matag 100,000 sa 1970 ngadto sa 3,500 matag 100,000 sa 1990.

Tinuyong mga pagpatay: Diha sa nagakaugmad nga mga nasod, usa ka pag-uswag gikan sa 1 ngadto sa 2.5 sa matag 100,000 tali sa 1975 ug sa 1985. Diha sa ugmad nga mga nasod ang pag-uswag sa samang yugto maoy gikan sa ubos sa 3 ngadto sa 3.5.

Nalangkit-sa-drogang krimen: Ang libro nag-ingon: “Ang dakong sindikato sa droga sa literal dako pa ug gasto ug mas daghag armas kay sa mga Kagamhanan sa gagmayng kanasoran, ug nakasumpo sa restriksiyon ug sa mga paningkamot sa nagapatuman sa balaod sa industriyalisadong kanasoran.”

Katibuk-ang gidaghanon sa krimen: Gilaoman nga modoble gikan sa 4,000 sa matag 100,000 sa 1985 ngadto sa halos 8,000 sa tuig 2000.

Ang tibuok-yutang pag-uswag sa krimen maoy usa lamang ka bahin sa gitagna ni Jesus nga nagpaila nga kita nagakinabuhi na “sa konklusyon sa sistema sa mga butang.” (Mateo 24:3) Si Jesus miingon: “Inigkakita ninyo niining mga butanga nga nagakahitabo, hibaloi nga ang gingharian sa Diyos haduol na.”​—Lucas 21:31.