• “Siya, Bisan Pag Siya Namatay, Nagasulti Pa Gihapon”
    Sundoga ang Ilang Pagtuo

    • 5. Unsay kahulogan sa pamulong ni Jesus nga naglangkit kang Abel sa “pagkatukod sa kalibotan”? (Tan-awa usab ang footnote.)

      5 Si Abel natawo wala madugay human lalanga ang tawo. Sa ulahi, si Jesus naglangkit kaniya sa “pagkatukod sa kalibotan.” (Basaha ang Lucas 11:50, 51.) Dayag, ang gitumong ni Jesus mao ang kalibotan sa katawhan nga may paglaom nga malukat gikan sa sala. Bisag si Abel ang ikaupat nga tawong naglungtad niadto, mopatim-aw nga siya ang unang nakita sa Diyos nga takos lukaton.a Tataw, si Abel nagdako nga walay masundog nga maayong panig-ingnan.

  • “Siya, Bisan Pag Siya Namatay, Nagasulti Pa Gihapon”
    Sundoga ang Ilang Pagtuo

    • a Ang ekspresyong “pagkatukod sa kalibotan” naglangkit sa ideya sa pagpanganak, busa may kalabotan kini sa unang mga kaliwat sa tawo. Apan, nganong si Abel man ang gilangkit ni Jesus sa “pagkatukod sa kalibotan” ug dili si Cain, ang panganayng anak? Ang mga desisyon ug binuhatan ni Cain nagpakita nga siya tinuyong mirebelde kang Jehova nga Diyos. Sama sa iyang ginikanan, mopatim-awng si Cain dili takos sa pagkabanhaw ug sa lukat.