IPRON, TAPIS

Ang Gregong pulong nga si·mi·kinʹthi·on nagtumong sa usa ka butang nga itapis sa lawas, usa ka pangtabon nga dili kaayo dako. (Buh 19:12) Lagmit itapis kini sa hawak aron tabonan ang bahin sa lawas ubos sa hawak. Lagmit isul-ob kini aron maprotektahan ang ubang mga besti, tingali sa mga mamumuo sama sa mga mangingisda, magkukulon, tigsag-ob ug tubig, tigbaligyag produkto sa groseriya, panadero, ug mga panday. Ang epod sa mga saserdote lahi ra kaayo, usa ka samag-ipron nga besti nga magbitay gikan sa mga abaga, nga adunay mga tabon sa atubangan ug sa likod.​—Ex 28:6-8; tan-awa ang HATAAS NGA SASERDOTE.

Ang Gregong pulong nga gihubad nga “pagsul-ob ug ipron” sa Lucas 17:8 (pe·ri·zonʹny·mai) sa literal nagkahulogang “magbakos sa kaugalingon.”​—Itandi ang Efe 6:14.