Ang siyam ka sanlahon mipadayon sa ilang paglakaw. Pero dunay usa nga wala na mokuyog nila. Kining tawhana, nga usa ka Samarianhon, mibalik kang Jesus. Ngano? Siya mapasalamaton kaayo kang Jesus kay siya giayo. Ang tawo nga kanhing sanlahon nagtuo gayod nga naayo siya tungod sa gahom Diyos, busa iyang “gihimaya ang Diyos sa kusog nga tingog.” (Lucas 17:15) Pagkakita kang Jesus, siya miluhod ug nagpasalamat kaniya.

Sa pag-ayo ni Jesus sa 10 ka sanlahon, iyang gipakita nga ang Diyos nagpaluyo kaniya. Gawas nga naayo tong usa, lagmit may paglaom pa gyod siyang mabuhi sa walay kataposan. Wala ta karon magkinabuhi sa panahon nga ang Diyos naggamit kang Jesus sa pag-ayog mga sakit. Pero kon duna kitay pagtuo kang Jesus, kita makasubay sa dalan padulong sa kinabuhi—ang kinabuhing walay kataposan. Tungod niana, mibati ba tag utang kabubut-on sa Diyos ug magpasalamat sama sa Samarianhon?