• “Mahibaloan Ninyo ang Gugma sa Kristo”
    Pakigsuod Kang Jehova

    • “Amahan, Pasayloa Sila”

      16. Giunsa pagpakita ni Jesus nga andam siyang mopasaylo bisan pag didto siya sa estaka sa pagsakit?

      16 Si Jesus hingpit nga nagsundog sa gugma sa iyang Amahan diha sa laing hinungdanong paagi—siya “andam sa pagpasaylo.” (Salmo 86:5) Klaro ning makita dihang didto siya sa estaka sa pagsakit. Bisag gipaagom sa makauulawng kamatayon, nga may mga lansang nga gitusok sa iyang mga kamot ug tiil, unsay gihisgotan ni Jesus? Mituaw ba siya kang Jehova aron silotan ang mga nagpatay kaniya? Sa kasukwahi, kini maoy apil sa kataposang mga pulong ni Jesus: “Amahan, pasayloa sila, kay wala sila mahibalo sa ilang ginabuhat.”—Lucas 23:34.b

  • “Mahibaloan Ninyo ang Gugma sa Kristo”
    Pakigsuod Kang Jehova

    • b Ang unang bahin sa Lucas 23:34 gitangtang gikan sa pipila ka karaang manuskrito. Bisan pa niana, kay kining mga pulonga makaplagan man diha sa daghang ubang kasaligang manuskrito, kini giapil sa Bag-ong Kalibotang Hubad ug sa daghang ubang hubad. Lagmit, ang gipasabot ni Jesus mao ang Romanong mga sundalo nga nagpatay kaniya. Wala sila mahibalo sa ilang gibuhat; wala sila mahibalo kon kinsa gayod si Jesus. Lagmit naa sab sa iyang hunahuna ang mga Hudiyo nga gustong mopatay niya pero sa ulahi nagpakitag pagtuo kaniya. (Buhat 2:36-38) Hinuon, ang mga lider sa relihiyon nga nagpahinabo sa maong pagpatay mao ang labawng sad-an kay gituyo nila ang paghimo niini. Alang sa daghan kanila, dili na posible ang pagpasaylo.—Juan 11:45-53.