CAINAN

1. Anak nga lalaki ni Enos; usa ka katigulangan sa yutan-ong inahan ni Jesus nga si Maria. (Luc 3:37) Si Cainan dayag nga gitawag ug Kenan sa Genesis 5:9-14 ug 1 Cronicas 1:2.

2. Usa sa gitala ni Lucas diha sa talaan sa kagikan ni Jesu-Kristo ingong anak ni Arpaksad. (Luc 3:36) Ang ngalang Cainan makita diha sa mga talaan sa kagikan sa presenteng mga kopya sa Gregong Septuagint, sama sa Alexandrine Manuscript sa ikalimang siglo K.P. (Gen 10:24; 11:​12, 13; 1Cr 1:18 apan dili sa 1Cr 1:24), bisag dili kini makaplagan diha sa nahibilin nga Hebreohanong mga manuskrito sa Hebreohanong Kasulatan. Ang ngalang Cainan dili usab makita diha sa Lucas 3:36 sa duha ka manuskrito sa Bibliya (Papyrus Bodmer 14, 15, sa mga 200 K.P.; Codex Bezae, sa ikalimang siglo K.P.). Ang pagkadili-makita niini diha sa maong mga teksto nahiuyon sa Masoretikong teksto sa Genesis 10:24; 11:​12, 15; ug 1 Cronicas 1:​18, nga sumala niana si Sela, dili si Cainan, ang anak ni Arpaksad.​—Tan-awa ang ARPAKSAD; TALAAN SA KAGIKAN NI JESU-KRISTO (Usa ka Problema sa Asoy ni Lucas Bahin sa Talaan sa Kagikan ni Jesus).