SIKAR

Usa ka siyudad sa Samaria ug ang dapit nga nahimutangan sa tuboran ni Jacob. Kini nahimutang “duol sa yuta nga gihatag ni Jacob kang Jose nga iyang anak” sa kasikbit sa Sekem. (Ju 4:​5, 6; itandi ang Jos 24:32.) Ang mabasa sa codex nga Syriac Sinaitic maoy “Sikem” inay nga “Sikar.” Apan ang labing maayo nga Gregong mga manuskrito nagpaluyo sa hubad nga “Sikar.” Ang pipila sa unang sekular nga mga magsusulat nagpalahi sa Sekem gikan sa Sikar; ang uban wala. Ang dili pa dugayng mga pagpangubkob nakaaghat sa pipila sa pagtuo nga ang Sikar lagmit mao ang balangay sa ʽAskar, 0.7 km (0.4 mi) sa AAS sa tuboran ni Jacob ug mga 1 km (0.6 mi) sa AS sa Sekem.