Sa pagtubag sa pagpanudlo ni Jesus, ang pipila miingon: “Sa pagkatinuod, kini siya mao Ang Propeta,” dayag nga nagpasabot sa propeta nga mas dako kay kang Moises nga gisaad nga moabot. Ang uban miingon: “Kini siya mao ang Kristo.” Ang uban misupak: “Magagikan ba sa Galilea ang Kristo? Dili ba giingon man sa Kasulatan nga ang Kristo magagikan sa kaliwatan ni David, ug gikan sa Bethlehem ang balangay diin didto si David?”

Bisag walay giingon sa Kasulatan nga motungha ang propeta gikan sa Galilea, sila nagpunting ngadto kang Kristo nga moabot gikan didto, nga nag-ingon nga “usa ka dakong kahayag” makita niining dapita. Ug lahi gikan sa sayop nga mga pagtuo, natawo si Jesus sa Bethlehem, ug siya maoy anak ni David. Samtang nahibalo niini ang mga Pariseo, hayan sila ang nagpakaylap sa sayop nga mga pagtuo nga nahibaloan sa mga tawo bahin kang Jesus. Juan 7:32-52; Isaias 9:1, 2; Mateo 4:13-17.